Photo TURAN.
Azərbaycanda Frankofoniya günləri keçiriləcək
Bakı/31.03.22/Turan: Aprelin 1-22-də Azərbaycanda Fransa, Latviya, Litva, Mərakeş, Meksika və Çexiya səfirliklərinin təşkilatçılığı ilə Frankofoniya günləri keçiriləcək.
Martın 30 - da keçirilən təqdimatda Fransanın Azərbaycandakı səfiri Zakari Qross deyib: " Düşünürəm ki, tədbir çərçivəsində nümayiş etdiriləcək filmlər və məktəblilər üçün müsabiqə böyük maraq doğuracaq".
O, Azərbaycanda fransız dilinə olan maraqdan məmnunluğunu ifadə edib. Belə ki, son 3-5 ildə Azərbaycanın orta məktəblərində ingilis və rus dillərindən sonra üçüncü olan fransız dilini öyrənənlərin sayı 40 faiz artıb.
Latviyanın Azərbaycandakı səfiri Daynis Qarançs deyib ki, aprelin 12-də Frankofoniya günləri çərçivəsində 1967-ci ildə rejissor Roland Kalnınşın çəkdiyi "Dörd ağ köynək" filminin nümayişi olacaq. Sovet dövründə kinolent senzuraya məruz qalıb və yalnız yarım əsrdən sonra onun dünya premyerası olub. Film asudə vaxtlarında musiqi ilə məşğul olan gənc fəhlədən bəhs edir.
Litvanın Azərbaycandakı səfiri Eqidius Navikas bildirib ki, Frankofoniya günləri çərçivəsində onun ölkəsi 2022- ci ildə Avropanın mədəniyyət paytaxtı Kaunas şəhərinə həsr olunmuş fotosərgini təqdim edəcək.
Fotoqraf Martinas Plepis şəhərin müasir arxitekturasına baxışı təqdim edəcək. Ekspozisiya "Mənim Optimizmim" adlanır və aprelin 6-8-də Art Tower qalereyasında keçiriləcək, litvalı diplomat deyib.
Mərakeşin Azərbaycandakı səfiri Adil Embarş qeyd edib ki, onun ölkəsi səyahət haqqında iki kinofilm təqdim edəcək: "Au Pays Des Merveilles" (“Möcüzələr diyarında”) aprelin 1-də Frankafoniya günlərinin açılışında nümayiş olunacaq. Digər "Həyat" filminin nümayişi növbəti gün olacaq.
Çexiya əslən çexiyalı olan fransız nasir Milan Kunderanın əsəri əsasında çəkilmiş "Zert" (“Zarafat”) filmini aprelin 2-də təqdim edəcək, Çexiya səfiri Milan Ekert bildirib.
Meksikanın Azərbaycandakı səfirliyinin birinci müşaviri Alberto Aura Qonzales bildirib ki, aprelin 7-də rejissor Lillian Libermanın çəkdiyi “Visa to Paradise” (“Cənnətə viza”) sənədli filmi nümayiş etdiriləcək.
Fransa səfirliyinin mədəniyyət məsələləri üzrə müşaviri Jerom Kel bildirib ki, Frankofoniya günlərində beş Fransa filmi nümayiş etdiriləcək. Bunlar "Calamity", "La croisade" (“Bu yeni dünya”), "Rouge" (“Qırmızı”), "Le mystere Henri Pick" (“Henri Pikin sirri”), "Le Quai d'Orsay" (“Orse sahili”).
Aprelin 8-də Rövşən Ağayevin fransız dilində “Fransız dili dərsləri” kitabının təqdimatı olacaq. Həmçinin fransız dilinin öyrənilməsinə həsr olunmuş konfrans təşkil ediləcək. Azərbaycan Fransız İnstitutunun direktor müavini Conatan Ünlü deyib ki, film nümayişi ilə yanaşı, Azərbaycan Dillər Universiteti, Gəncə Dövlət Universiteti və Naxçıvan Dövlət Universitetinin tələbələri üçün natiqlik sənəti müsabiqəsi təşkil olunacaq. Müsabiqənin qalibi Fransaya səyahətlə mükafatlandırılacaq.
Filmlərin nümayişi Cine club Landmark, Park Bulvar Cinema və Art Tower Gallery-də olacaq.—16B06-
-
- Maliyyə
- 31 Mart 2022 14:34
Mədəniyyət
-
Tekstil sənətinə bənzərsiz yanaşması ilə tanınan türkiyəli rəssam Süzan Murat “Turan” Agentliyi ilə canlı söhbətində sənətinə olan ehtirası və baxışlarını bölüşüb. Ənənəvi rəssamlığa üstünlük verən bir çox müasirlərindən fərqli olaraq, Murat bədii fikirlərini ifadə etmək üçün iynə və sapa müraciət edir, parçanı həyat və rənglə dolu kətanlara çevirib.
-
Çox zaman kinoekran insan emosiyalarının incəliklərini və sosial problemləri cəsarətli ştrixlərlə əks etdirən kətan (xolst) sayılır. Rejissor İlqar Safatın "İçərişəhər" psixoloji dramı da belədir.
-
Müasir incəsənətin daim dəyişən dünyasında sərgilər çox vaxt cəmiyyətin mürəkkəbliyini və insan təcrübəsini əks etdirən güzgü rolunu oynayır.
-
Xalqlar arasında möhkəm əlaqələrin və ədəbiyyatın mədəniyyətləri birləşdirmə qabiliyyətinin təsdiqi olaraq Azərbaycan prezidenti İlham Əliyev və Qırğızıstan prezidenti Sadır Japarov Bakıda tanınmış qırğız yazıçı Çingiz Aytmatovun abidəsinin açılış mərasimində iştirak ediblər.
Rəy yaz