Qafar Çaxmaqlı
Türkiyənin Kayseri şəhərindəki Erciyes universitetinin professoru,”erməni məsələləri”nə dair dünya miqyasında tanınmış mütəxəssis Qafar Çaxmaqlı “Erməni-faşist əməkdaşlığı” mövzusunda çıxış edib.
Avrasiya İncələmələri Mərkəzinin Ankarada təşkil etdiyi konfransın açılışında Mərkəzin direktoru,istefada olan səfir Alev Kılıç və Azərbaycan Beynəlxalq münasibətlərin təhlili mərkəzinin sədri Fərid Şəfiyev çıxış ediblər.
Turan İA-yi xəbər verir ki, konfransdakı çıxışında professor Qafar Çaxmaqlı erməni düşüncə sistemindəki millətç-irqçi cəhətlərə toxunaraq,bu təmayülün müəyyən dövrlərdə faşizmlə konkret əməkdaşlığına dair örnəklər göstərib.
”İkinci dünya müharibəsində legioner Qaregin Njdenin Hitler faşizmiylə əməkdaşlığı bunun konkret örnəklərindən biridir.Belə bir adama bu gün İrəvanda heykəl qoyulması Ermənistan cəmiyyətinin gəldiyi nöqtənin açıq göstəricisidir.Azərbaycan torpaqlarını bu düşüncə tərziylə işğal altında saxladıqları kimi,Türkiyəyə qarşı əsassız ittihamları da bu düşüncənin bir hissəsi kimi səsləndirirlər”- deyə sözlərinə davam edən professor Çaxmaqlı bəşəri-humanist ideyalardan uzaq olan bu düşüncə sisteminin regionda dialoq yoluyla əməkdaşlıq yaratmağın önündəki ən böyük əngəl olduğunu vurğulayıb.
Elmi ictimaiyyətin və medianın yaxından maraq göstərdiyi konfransda professor Çaxmaqlı dinləyicilərdən gələn sualları da cavablandırıb.
2011-ci ildən bəri Kayseridəki Eriyes universitetində işləyən Azərbaycanlı tədqiqatçı-alim Qafar Çaxmaqlının 8 ildə Türkcə 6 kitabı və 100-də artıq elmi məqaləsi çapdan çıxıb.
”Erməni məsələləri” sahəsində Türkiyənin ən yaxşı mütəxəssislərindən biri sayılan professor Qafar Çaxmaqlı bu illər ərzində Türkiyədə və əcnəbi ölkələrdə 150-yə yaxın konfransda çıxış edib.
Mədəniyyət
-
Alen Delon, cazibədar görünüşü və maqnitik varlığı ilə Avropa kinosunu onilliklər ərzində müəyyənləşdirən Fransız kino ikonu, 88 yaşında vəfat edib. Övladları onun ölümünü bazar günü Agence France-Presse-ə verdikləri açıqlama ilə təsdiqləyib.
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
Rəy yaz