Çox əhalisi olan Bakı şəhərində illik X Beynəlxalq Kitab Sərgisi - kitabsevərlər, naşirlər və yazıçılar üçün çoxdan gözlənilən tədbir keçirilib. Bir neçə gün davam edən tədbirdə yerli və xarici müəlliflərin zəngin ədəbi kolleksiyası, bir sıra çıxışlar, imza günləri, uşaqlar üçün təhsil və əyləncə proqramları təqdim edilib.
Mədəniyyət Nazirliyinin dəstəyilə təşkil olunan builki yarmarka gənc oxucuları cəlb etməklə nəzərəçarpacaq vüsət alıb. Uşaqlar üçün xüsusi olaraq hazırlanmış proqramlar interaktiv ustad dərslərini, hekayə seanslarını və erkən yaşlardan oxumaq sevgisini inkişaf etdirməyə yönəlmiş kitab paylaşımlarını əhatə edən xəttdə görkəmli yer tutub.
Sərgiyə gələnlərin çoxu üçün diqqəti çəkən məqam təkcə kitablarla tanış olmaq və onları əldə etmək imkanı deyildi, həm də regionun hər yerindən yazıçılarla və illüstratorlarla görüşmək, ünsiyyətdə olmaq şansı idi. Bayram atmosferində keçən tədbirdə həm tanınmış, həm də yeni başlayan bir neçə müəllif sadiq pərəstişkarları və yeni həvəskar ziyarətçiləri cəlb edərək imza sessiyaları və oxu zamanı keçirib.
Yarmarka məhdud büdcəli kitab həvəskarlarına çoxdan gözlənilən rahatlığı gətirib. Kitablar adi mağaza qiymətlərinin 10 ilə 70 faizi arasında güzəştli qiymətlərlə satılıb. Mədəniyyət Nazirliyi də yardım əlini uzadıb, altı kvadrat metr və ya daha az ərazini tutan nəşriyyatlar və kitab mağazaları üçün stend haqqını ləğv edib ki, bu da kiçik satıcılara mühüm stimul verib.
Lakin müsbət aspektlərə baxmayaraq, yarmarka həm alıcılar, həm də satıcılar tərəfindən tənqidə məruz qalıb. Bir neçə satıcı sərgidə iştirakın azalmasından məyus olduğunu dilə gətirib və bunu iqtisadi qeyri-müəyyənliyin nəticələrinin qalması və tədbirin yetərincə təşviq edilməməsilə əlaqələndirib. "İstirahət günləri daha çox ziyarətçi gördük, amma ümumilikdə gözlədiyimizdən daha sakit idi", - bir kitab satıcısı gileylənib. Onun piştaxtasında tərcümə olunmuş bir sıra klassik əsərlər vardı.
Digər tərəfdən, alıcılar tədbirin logistik şərtlərilə bağlı narahatlıqlarını ifadə ediblər. Şəhərin kənarında yerləşən sərgi mərkəzi çoxları üçün əlverişsiz olub. Avtobus xidmətinin az olması — bəziləri bir saata qədər gecikmə olduğunu bildirdi- və məkana aparan avtobus marşrutlarında qarışıqlıq səbəbindən ziyarətçilər yarmarkaya gəlməkdə çətinlik çəkiblər. "Bu, yorucu idi", - şəhərin mərkəzindən gələn iki uşaq anası Əminə Rəsulzadə deyib. "Uşaqlarımı özümlə gətirmək istədim, amma uzun yol və gözləmə müddəti həqiqətən səbrimizi sınadı".
Bu cür narahatlıqlar uzun gözləmə və dolu nəqliyyatla mübarizə aparmalı olan kiçik uşaqlı ailələr üçün xüsusilə ağır olub. "Əgər daha çox ziyarətçi cəlb etmək istəyirlərsə, xüsusən də mənim kimi valideynləri, avtobusların keyfiyyəti yaxşılaşmalıdır", - Rəsulzadə əlavə edib.
Sərgi salonunda ziyarətçilər bəzi əl işləri və rəsm əsərlərinin olduğu stendlərlə qarşılaşıblar. Lakin bəzi iştirakçılar əvvəlki illərlə müqayisədə tədbirdə ümumi fəallığın azaldığını qeyd edbilər. "Bu dəfə təşkilatçılıq bir qədər dağınıq görünürdü. Reklam fəallığı və ya ajiotaj görmədik", - bir neçə ildir davamlı olaraq yarmarkaya gələn müstəqil naşir deyib. "Burada potensial var, amma daha strukturlaşdırılmış yanaşma lazımdır".
Bu uğursuzluqlara baxmayaraq, yarmarka azərbaycanlılar arasında savadlılığın təşviqi və ədəbiyyatın daha dərindən dərk edilməsinin inkişafı üçün mühüm platforma olaraq qalır. "Belə tədbirlər oxucularla yazıçılar arasında əlaqə yaratmaq və ədəbi cameənin çiçəklənməsindən ötrü məkan ayrılması üçün vacibdir", - iştirakçılardan biri deyib.
Mədəniyyət
-
Bir çox insan üçün xarici ölkələri ziyarət etmək əlçatmaz bir xəyala çevrildiyi bir dünyada, yeməklərin mədəni körpü kimi rolu Azərbaycanın paytaxtında keçirilən “Avropa Yeməkləri Festivalı”nda aydın şəkildə nümayiş etdirildi. Festival, Avropa İttifaqına üzv olan 13 ölkənin məşhur yeməklərini təqdim edərək, Avropaya duyğusal bir səyahət təklif etdi və geniş miqyasda nəzərə alınmayan bir mövzuya - ərzaq tullantılarına diqqət çəkdi.
-
Avropa İttifaqının Azərbaycandakı Nümayəndəliyi Aİ-yə üzv dövlətlərin səfirlikləri ilə birgə ikinci “Avropa Təamları” Kulinariya Festivalını keçirəcək.
-
Demək olar ki, həftəlik yeni sərgilərin açıldığı Bakıda canlı art-səhnə arasında bir parlaq vitrin xüsusilə fərqlənib. Sərgiyə gələnləri göz oxşayan rənglər və ya avanqard konsepsiyalar yox, bir əsrdən çox tarixi olan, lakin hələ də keçmiş dövrün parlaq mahiyyəti ilə dolu fotoşəkillərin sepiya- tonları cəlb edir.
-
İncəsənəti beynəlxalq münasibətlərlə birləşdirən diplomatik bir jest olaraq, ABŞ-ın Azərbaycandakı Səfirliyi, səfirliklərin mədəni əlaqələr qurmaqda rolunu yenidən nəzərdən keçirən bir tədbirə ev sahibliyi etdi. Sentyabrın 30-da ABŞ-ın Azərbaycandakı səfiri Mark Libbi öz iqamətgahında “Səfirliklərdə İncəsənət” adlı tədbir təşkil edərək, azərbaycanlı və xarici qonaqları iki ölkə arasında incəsənət əlaqələrini kəşf etməyə dəvət etdi.
Rəy yaz