![Açiq mənbələrdən foto.](https://turan.az/resized/media/2020/main/060900027667-750-500-resize.webp)
Açiq mənbələrdən foto.
Beşbarmaq təbiət qoruğu oldu
Bakı/09.06.20/Turan: Dövlət başçısının sərəncamı ilə Bakının 90 km. şimalında yerləşən “Beşbarmaq dağı” Dövlət Tarix-Mədəniyyət və Təbiət Qoruğu yaradılıb. Yeni qoruqun idarə edilməsi Turizm üzrə Dövlət Agentliyinə həvalə edilib.
Nazirlər Kabineti, Turizm üzrə Dövlət Agentliyi, İqtisadiyyat Nazirliyi, Ekologiya və Təbii Sərvətlər Nazirliyi, Milli Elmlər Akademiyası və Siyəzən Rayon İcra Hakimiyyətinə iki ay ərzində yeni qoruğun sərhəddinin müəyyən edilməsi və təsdiq edilməsi, orada xüsusi rejimin yaradılması tapşırılıb.
Qeyd edək ki, Beşbarmaq dağı çoxsaylı mif və inancların bağlı olduğu unikal təbiət hadisəsidir. Hündürlüyü 536 metr olan dağın ətəyində hələ orta əsrlərdən məlum olan və o dövrün tarixçiləri və səyyahları tərəfindən təsvir edilən Xızır- zində ziyarətgahı yerləşir. Əsasən ziyarətgah Adam Olenariyanın 1375-ci il tarixli xəritəsində qeyd olunur.
Beşbarmaq təbii müdafiə qurğusu rolunu oynayıb. IV-VII əsrlərdə həmin yerdə xarici işğalçıların müdaxiləsinin qarşısını almaq üçün Xəzəryanı müdafiə istehkamları şəbəkəsi yaradılmışdı.
Beşbarmaqdan qala divarı Xəzər dənizinə qədər uzanırdı. Alban tarixçi Moisey Kalankatuyski yazırdı ki, Beşbarmaqdakı qala 438-457-ci illərdə Sasani hökmdarı Yezdəgird tərəfindən inşa edilib.
Tarixi əhəmiyyəti ilə yanaşı, bu dağ on illərdir ki, alpinistlərin və qayaya dırmananların sevimli təlim yeridir. Orada ənənəvi olaraq dağçıların yerli və beynəlxalq yarışları keçirilir.-02D-
-
- Siyasət
- 9 İyun 2020 14:54
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz