Ədəbi irsə hörmət: Azərbaycan və Qırğızıstan prezidentləri Bakıda Çingiz Aytmatovun abidəsini açıblar

Xalqlar arasında möhkəm əlaqələrin və ədəbiyyatın mədəniyyətləri birləşdirmə qabiliyyətinin təsdiqi olaraq Azərbaycan prezidenti İlham Əliyev və Qırğızıstan prezidenti Sadır Japarov Bakıda tanınmış qırğız yazıçı Çingiz Aytmatovun abidəsinin açılış mərasimində iştirak ediblər.

Prezident Əliyev qeyd edib: "Bu gün Qırğızıstanla Azərbaycan arasında qardaşlıq münasibətlərinin tarixində əlamətdar gündür. Bu gün qırğız xalqının böyük oğlu Çingiz Aytmatovun abidəsi açılır. Əminəm ki, bu, dostluğumuzun, qardaşlığımızın və birliyimizin daha bir simvolu olacaq".

Dünya ədəbiyyatında görkəmli  şəxsiyyət olan Çingiz Aytmatov həm Sovet İttifaqında, həm də dünya arenasında qırğız xalqını bəlağətlə təmsil edib. Azərbaycanda onun əsərlərinə dərin maraq olub,  təkcə ədəbi şücaətinə görə yox, həm də vətəndaş fəallığına, milli kimliyinə və mədəni irsə sadiqliyinə görə ona heyran qalıblar.

Prezident Əliyev yazıçının vəfatından bir müddət əvvəl Aytmatovla görüşünü xatırlayıb. Görüş zamanı ikitərəfli münasibətlərin möhkəmləndirilməsi üzrə səylərinə görə ona Azərbaycanın ən yüksək mükafatını – “Dostluq” ordenini təqdim edib. Aytmatovun ədalət işinə sarsılmaz sadiqliyi ona təkcə yazıçı kimi yox, həm keçmiş Sovet İttifaqında, həm də xaricdə dövlət xadimi kimi hörmət qazandırıb.

Prezident İlham Əliyev bu əlamətdar hadisə münasibətilə Azərbaycan və Qırğızıstan xalqlarına təbriklərini çatdırıb, qeyd edib ki, Bakıda Çingiz Aytmatovun abidəsi onların ümumi birlik, dostluq və qardaşlıq dəyərlərini simvollaşdırır. O həmçinin əmin olduğunu bildirib ki, bütün türk dünyası Aytmatov irsilə qürur duyur. Əliyev onun vaxtsız vəfatından təəssüfləndiyini bildirib və 2008-ci ildə Bakıda onunla son görüşünü xoş xatirələrlə yada salıb.

Hündürlüyü təxminən üç metrə yaxın, çəkisi altı ton olan abidə Aytmatov irsinə layiqli töhfədir. Azərbaycan və ingilis dillərində məlumat lövhəsi yazıçının dünya ədəbiyyatına və mədəniyyət mübadiləsinə verdiyi töhfəni bir daha önə çəkir.

Abidənin dizaynının seçilməsi prosesində açıq müsabiqə keçirilib və azərbaycanlı heykəltəraş Natiq Əliyevin layihəsi baş mükafata layiq görülüb.

Çingiz Aytmatovun abidəsi Bakının görməli yerlərini çoxaltdı və xalqlar arasında fikir ayrılıqlarını aradan qaldırmağa və qarşılıqlı anlaşmaya xidmət edən ədəbiyyatın transsendent gücü haqda  xatırlatma rolunu oynayacaq.