Moskva/01.06.18/Turan: Rusiyadakı erməni lobbisi Amerikalı tarixçi Edvard Eriksonun "Türklər və ermənilər: üsyançılara qarşı mübarizənin tədqiqi" adlı kitabının təqdimat mərasiminə mane olub. Təqdimat mayın 31-də Moskva Kitab Evində keçiriləcəkdi.
Edvard Erikson ABŞ ordusunun istefada olan zabitidir. Fars körfəzindəki müharibənin iştirakçısı olub. İzmir, Neoapol və Sarayevoda NATO məmuru olub. Əvvəlki illərdə o, ötən əsrin əvvəllərində Osmanlı Türkiyəsində baş verən hadisələri araşdırdığı bir neçə kitab buraxıb.
Xüsusən, Erikson Rusiya və Qərb ölkələrinin dəstəyi ilə Türkiyə hakimiyyətinə qarşı silahlı qiyama başlayan "inqilabçı erməni komitələrinin" əməllərini işıqlandırıb. Kitabın ilk nəşri 2013-cü ildə ABŞ-da, 2015-ci ildə isə Türkiyədə olub.
Moskvanın erməni ictimaiyyəti RF Baş Prokurorluğuna və İstintaq Komitəsinə etirazla müraciət edərək, "tarixi faktları təhrif edən" kitabın təqdimatının keçirilməsinə yol verməməyi tələb edib.
Nəticədə RF hakimiyyəti təqdimatın təşkilatçılarına təzyiq göstərib, onları kitab müəllifinin iştirakı ilə tədbir keçirməkdən imtina etməyə vadar edib. -02D-
Mədəniyyət
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
Rəy yaz