![M.Rəsulzadə adına belə tədbir olar?...](https://turan.az/resized/media/2014/main/012800067134-750-500-resize.webp)
M.Rəsulzadə adına belə tədbir olar?...
2014-cü il yanvarın 28-dən etibarən Azərbaycan İstiqlal Muzeyində Azərbaycan Xalq Cümhuriyyətinin (1918-20-ci illər) qurucusu, Milli Şuranın sədri Məhəmmədəmin Rəsulzadənin 130 illik yubileyinə həsr edilən “Tarixin bir səhifəsi” adlı tədbir-sərgi təşkil edilib.
Tədbir-sərginin fevralın ilk dekadasına kimi davam etməsi nəzərdə tutulur. Sərgidə tarixçi Ədalət Tahirzadənin şəxsi arxivindən 30 ədəd foto, muzeyin fondunda saxlanılan kitablar, sənədlər nümayiş etdirilir.
Tədbirdə muzeyin direktoru Fəridə Şəmsinin, Dövlət İdarəçilik Akademiyası tarix kafedrasının müdiri Firdovsiyyə Əhmədovanın, tarixçi Ədalət Tahirzadənin, BDU-nun dosenti Nəsiman Yaqublunun, M.Rəsulzadənin nəvəsi, rəssam Rəis Rəsulzadənin, Milliyyətçi Gənclər Təşkilatının üzvü Elşən İsmayılovun çıxışları nəzərdə tutulur. Bununla yanaşı M.Rəsulzadəyə həse dilən videoçarx nümayiş etdirilməsi də qərara alınıb.
Tədbirə Xalq Cümhuriyyətinin görkəmli nümayəndələrinin ailə üzvlərinin, tarixçilərin. tələbələrin, millətçi gənclərin, Prezident Qvardiyasının, Daxili Qoşunların əsgərləri və s. qonaqların qatılması gözlənilir.
Maraqlı budur ki, adı çəkilən tədbir barədə rəsmi və hökumətyönlü saytlarda hər hansı açıqlama yoxdur. Bu sərgi daha çox “candərdi” təşkil olunan və keşçirilən tədbir təsiri bağışlayır.
M.Rəsulzadə XX əsr Azərbaycan siyasətinin nəhəng fiqurlarından biridir. Siyasi fəaliyyətə hələ gənc vaxtlarından qoşulub. 1905-ci ildə “Hümmət” siyasi təşkilatının yaradılmasında böyük rolu olub. Daha sonra Güney Azərbaycanda fəaliyyət göstərib. Təbrizdə 1909-cu ildə “Ədalət” partiyasını təsis edib. İran şahının əmrilə İrandan Osmanlıya sürgün olunub. 1911-ci ildə Azərbaycana dönərək Müsavat Partiyasını təsis edib. 1918-ci ildə o zamankı Azərbaycan siyasilərilə birgə Azərbaycanın dövlət müstəqilliyinin elan edilməsində xüsusi rola malik olub. Milli Şuranın sədri olub. Bakını rus-erməni hərbi birləşmələrindən azad edilməsi üçün Qafqaz İslam Ordusunun Azərbaycana gəlməsilə bağlı danışıqlar aparıb.
1920-ci ilin aprelində sovet təcavüzü nəticəsində Xaql Cümhuriyyəti ləğv edilib. Daha sonra M.Rəsulzadə həbsə alınıb, daha sonra Moskvaya aparılıb. 1922-ci ildə Müsavat Partiyası gizli komitəsinin qərarı ilə Rusiyadan çıxması qərarı verib. M.Rəsulzadə Filandiyaya, oradan Türkiyəyə gedib. 1955-ci il martın 5-də Ankarada vəfat edib. Qəbri də Ankaradadır.
Azərbaycanda XX əsrin 80-ci illərində başalayan azadlıq mübarizəsi dönəmində M.Rəsulzadənin adı milli azadlıq simvoluna dönüb. 1993-cü ildə hakimiyyətə gələn Əliyev rejimi M.Rəsulzadənin yaddaşlardan silinməsi üçün sistemli mübarizə aparsa da, onu unutdura bilməyib. -05D-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz