Photo TURAN.
Polşa səfirliyi və Turizm Agentliyi "Azərbaycanda Polşa irsi" marşrutunu hazırlayıblar
Bakı/17.02.21/Turan: Çərşənbə günü Polşa Respublikasının Azərbaycandakı səfirliyi və Azərbaycan Dövlət Turizm Agentliyi "Azərbaycanda Polşa irsi" adlı turizm marşrutunu hazırlayıb təqdim ediblər. Marşrut polşalı turistlər üçün nəzərdə tutulub və məqsəd ölkə qonaqlarını Bakıda Polşa memarları tərəfindən inşa edilmiş binalarla tanış etməkdir. Turistlər Azərbaycanın paytaxtından başqa Gəncə, Şamaxı, Zaqatala və Qusara da səfər edəcəklər.
Layihəni Azərbaycan mədəniyyət nazirinin müavini Sevda Məmmədəliyeva və Polşa səfiri Rafal Poborski təqdim ediblər. Marşrutun təqdimatı üçün ingilis dilində broşür hazırlanıb və Youtube-da film yerləşdirilib. Bu resurslarda Polşa memarları Qoslavski, Ploşko, Skureviç, Skibinski və başqalarının yaradıcılığı nümayiş etdirilir.
Azərbaycanda Polşa memarlığını araşdıran memar Elçin Əliyevin sözlərinə görə, XIX əsrin sonları- XX əsrin əvvəllərində Polşadan 17 memar Bakıda 80-dən çox gözəl bina inşa edib. Bunlar Bakı Şəhər İcra Hakimiyyəti, Elmlər Akademiyası Rəyasət Heyətinin –İsmailliyə binaları, Tağıyev Sarayı, Muxtarov Sarayı, müsəlman qadın məktəbinin binası, şəhərin tarixi hissəsindəki çoxlu yaşayış evləri və bir neçə məsciddir.
Yozef Qoslavski xəstəliyindən və vəfatından öncə 12 il (1892-1904-cü illər) Bakının baş memarı vəzifəsində çalışıb. Dörd il (1909-1913-cü illər) Bakının baş memarı polyak Konstantin Borisoqlebski olub. Yelizavetpolun (Gəncə) baş planını İqnati Kşiştaloviç hazırlayıb, Pavel Koqnovitski Tağıyev Teatrını layihələndirib. Polşalı digər memarlar Azərbaycanın dövlət idarələrində çalışıblar. Bizim vaxtlarda Bakının Səbayel rayonundakı küçələrdən biri onların xatirəsinə "Polşa memarları küçəsi" adlandırılıb, - Elçin Əliyev bildirib.
Təqdimat mərasimində Polşa memarlarının Azərbaycandakı işlərindən bəhs edən filmin treyleri nümayiş etdirilib. -0-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz