Bakı caz festivalı çərçivəsində Stenli Klarkın konsertinə gedən müasir musiqi həvəskarlarını xoşbəxt insanlar saymaq olar. Belə dünya ulduzları Bakıya hər vaxt gəlmir. Bu səbəbdən demək olar ki, 28 oktyabr konsertini festivalın zirvəsi saymaq olar. Belə səviyyəli çıxış bir neçə il əvvəl Corc Bensonun konsertində olub.
Stenli Klark populyar Azərbaycan filminin qəhrəmanının məhşur kəlamını – “mən tək kontrabasda” sözlərini təkib etdi.
Bəlli olur ki, kontrabasda solo ifa etməklə də konsert vermək olar. Dəqiqlik üçün qeyd edək ki, Klarkın və onun kvartetinin ifasında klassik caz 10-15 faiz idi, qalanı stil qarışığıdır ki, bunu da musiqi tənqidçiləri caz-fyujn-rok adlandırırlar.
Odur ki, kvartetin ifasını dinləyərkən qeyri-ixtiyari adama elə gəlirdi ki, səhnədə Çik Korea və ya Ol Dimeola, ya da ki Con Maklaflin çıxış edir.
Çünki Klarkı novator hesab etmək olar. Öz istedadı sayəsində heç nədən ortaya sanballı iş çıxaran insan kimi.
Klarkdan başqa kvartetdə iki musiqiçi vardı. 18 yaşlı gürcü pianoçu Beka Qoçiaşvili və 19 yaşlı zərb ifaçısı Maykl Mitçel. Onların hər ikisini dünya səviyyəli musiqini nümayiş etdirən ifaçılar hesab etmək olar.
Srteli Klarkın özündə insanı heyrətə gətirən kontrabasda solo ilə yanaşı bütün klassik əsərləri ifa etmək bacarığıdır. Bunu təkcə yüksək zövq, aranjemançının istedadı ilə yox, həm də möhtəşəm əllərin sayəsində etmək mümkündür. Hətta 50 metr məsafədən belə onun uzun,zərif barmaqlarını görmək mümkün idi.
Klark yeni əsər təqdim etmədi. Konsert bir neçə məhşur kompozisiyadan və bəzi yeni interpretasiyalardan ibarət idi.
O, öz kompozisiyalarından birini təqdim edərkən bildirdi ki, ona tez-tez film üçün musiqi sifariş verirlər. “Lakin bu filmlər o qədər dəhşətlidir ki, müsiqini korlayır. Mənim filmdən kənar kompozisiyalarımı dinləsəniz ümid edirəm ki, onlara qiymət verəcəksiniz”, - o zarafatla qeyd edib.
Bunun cavabında publika musiqiçini rəqslər və “Bravo” sədaları ilə alqışlayıb.-02В-
Mədəniyyət
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
Rəy yaz