Açiq mənbələrdən foto.
Yaponiya Səfirliyinin yeni nəşri olan “Sizin Yaponiya” başlıqlı “Yaponiya-Azərbaycan münasibətləri 2020” jurnalı
Yaponiya Səfirliyinin yeni nəşri “Sizin Yaponiya” jurnalı işıq üzü görmüşdür. Səfirlik hər il iki ölkə münasibətlərindən bəhs edən “Yaponiya-Azərbaycan münasibətləri jurnalı nəşr edir və bu ilki jurnal da əsasən 2020-ci il və 2021-ci ilin əvvələrində baş vermis hadisələr və ümumilikdə Yaponiyanın müxtəlif sahələrini əhatə edən məlumatlardan ibarətdir.
Jurnalın ilk səhifəsində ötən ilin avqust ayından Azərbaycanda səfir olaraq fəaliyyətə başlayan səfir Vada Cüniçinin müraciət mesajı yer almışdır. Daha sonra 2020-ci ildə Yaponiya üçün böyük əhəmiyyət kəsb edən Böyük Şərqi Yapon Zəlzələsinin 10-cu ildönümü haqqında məlumat qeyd olunmuşdur. Gələn il, yəni 2022-ci il Yaponiya ilə Azərbaycan arasında diplomatik münasibətlərin əsasının qoyulmasının 30-cu ildönümü olaraq “Yaponiya-Azərbaycan Dostluq İli” kimi qeyd olunacaqdır. Jurnalda “Dostluq İli” üzrə hazırlıqlarımız üçün də yer ayrılmışdır. Bundan əlavə, Yaponiyadan Azərbaycana iqtisadi yardım, Yaponiyada təhsil proqramları və həmin proqramlar üzrə təhsil təcrübəsi olan insanların qısa müsahibəsi də işıqlandırılmışdır. Yapon mətbəxinə marağınız varsa, Yaponiya səfirinin aşbazının hazırladığı yapon mətbəxi nümunəsi üçün də jurnala nəzər sala bilərsiniz. Bundan əlavə, müasir yapon mədəniyyəti nümunəsi olan Cosplay haqqında məlumat almaq, Azərbaycanda cosplay mədəniyyətinin tarixi və inkişaf perspektivləri barədə məlumatlanmaq üçün jurnalın son səhifəsinə nəzər sala bilərsiniz.
Jurnalın elektron formasına nəzər salmaq üçün bu linkə daxil olmağınız xahiş olunur: https://www.az.emb-japan.go.jp/files/100178195.pdf
Son olaraq, jurnalın son səhifəsində qeyd olunmuş bu linkdən daxil olaraq jurnal haqqında anket sorğusunda iştirak etməyinizi xahiş edirik. https://www.surveymonkey.com/r/6S6688G
Gələcək nəşrlərimizi daha gözəl edə bilməyimiz üçün sizin fikirləriniz vacibdir. Jurnal ilə tanış olan və anket sorğusunda iştirak edəcək şəxslərə öncədən minnətdarlığımızı bildirmək istərdik.
Mədəniyyət
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
Rəy yaz