Açiq mənbələrdən foto.
ABŞ Azərbaycan-Ermənistan Xarici İşlər Nazirləri görüşündə "proqressi" alqışlayıb
Vaşinqton/04.05.23/Turan: Çərşənbə günü Ağ Ev Ermənistan və Azərbaycanın bu ölkələrin xarici işlər nazirləri arasında sülh danışıqlarında əldə etdiyi “irəliləyişi” alqışlayıb və dialoqun davam etdirilməsinə çağırıb.
ABŞ-ın milli təhlükəsizlik müşaviri Ceyk Salivan Ceyhun Bayramov və Ararat Mirzoyanla ayrıca görüş keçirib. Ağ Evdə nazirləri qəbul etdiyini Tvitter hesabında yazıb.
“Davamlı və ədalətli razılaşma hər iki ölkə və region üçün imkanların açılmasının açarı olacaq", - Salivan qeyd edib.
Bu gün Bayramovla Mirzoyan arasında Vaşinqtonda 4 günlük danışıqlar başa çatır. Turan-ın daha əvvəl xəbər verdiyi kimi, dövlət katibi Entoni Blinken bu gün Bakı vaxtı ilə axşam saatlarında iki nazir arasında sülh danışıqlarının yekun görüşündə iştirak edəcək.
Bu arada Dövlət Departamentinin sözçüsü Vedant Patel çərşənbə günü Bayramov-Mirzoyan dialoqunu qiymətləndirməkdən çəkinib. O, brifinqdə Turan-ın müxbirinin sualını cavablandırarkən deyib:
“Gəlin hadisələrı qabağlamayaq. Dövlət katibi bu işlə dərindən məşquldur, biz bu iki ölkə arasında sülhün mümkün olduğuna inanırıq”, - deyə o bildirib.
“Biz hesab edirik ki, bu problemin hərbi həlli yoxdur, irəliyə yol - birbaşa dialoqdur. Biz iki xarici işlər nazirini qəbul etməkdən və bu mühüm müzakirələrdə iştirak etməkdən çox məmnunuq”, - deyə o, yekunlaşdırıb. -25B-
-
- Söz istəyirəm
- 4 May 2023 00:03
-
- Maliyyə
- 4 May 2023 11:05
Siyasət
-
Bütün dünyada mətbuat azadlığını onun qarantı olmalı olan adamlar – siyasi hakimiyyət təhdid edir. Bunu "Sərhədsiz Reportyorlar" təşkilatının hazırladığı sonuncu illik Ümumdünya Mətbuat Azadlığı İndeksi sübut edir.
-
Peyk çəkilişlərinə görə, Şuşa şəhərinə yaxın Daşaltı kəndi demək olar ki, tamamilə dağıdılıb. Daha doğrusu, evlərin 90 faizi sökülüb. Hakimiyyət bu yaşayış məntəqəsinin rekonstruksiyası və ya yenidən inşa ediləcəyinə dair baş planı barədə məlumat verməyib.
-
Kanal-13 İnternet-TV-nin həbsdə olan rəhbəri Əziz Orucovun səhhəti pisləşib, bu barədə Turan-a onun vəkili Bəhruz Bayramov bildirib.
-
Azərbaycanda parlament seçkiləri noyabrda keçirilməlidir, lakin daha erkən tarixə çəkilə bilər. Bu barədə cümə axşamı MSK sədri Məzahir Pənahov qurumun iclasında bildirib.
Azərbaycan Qərb münasibətlərində dəyişən nəsə varmı? – Əhməd Əlili Çətin sualda
Xəbər lenti
-
- Siyasət,
- 10:43
- 378
Rəy yaz