Bakı/17.09.18/Turan: Avropa İnsan Hüquqları Məhkəməsi (AHİM) Azərbaycandan 34 şikayətin araşdırılmasına başlayıb. Strasburq məhkəməsinin məlumatında deyilir ki, bu şikayətlər vətəndaş cəmiyyəti institutlarının fəaliyyətinə maneələr, onların bank hesablarına həbslər, mülkiyyət hüquqlarının pozulması və s. ilə bağlıdır.
Şikayətlərin bir hissəsi hüquqi şəxslər - QHT-lər tərəfindən göndərilib.
Ərizəçilər arasında Azad İqtisadiyyata Yardım, Neftçilərin Hüquqlarının Müdafiə Komitəsi, Demokratiya və İnsan Hüquqları, Hüquqi Maarifləndirmə Cəmiyyəti, Azərbaycan Hüquqşünaslar Assosiasiyası var.
Bundan əlavə, Milli və Beynəlxalq Araşdırmalar Mərkəzi, Reportyorların Azadlıq və Təhlükəsizlik İnstitutu, "Qafqaz" Media Araşdırmalar Mərkəzi və s. var.
Ərizəçilər prokurorluğun tələbilə bank hesablarına həbs qoyulmasını qanunsuz hesab edirlər.
Analoji pozuntulardan vətəndaş cəmiyyətinin fəalları da şikayətləniblər: Qubad İbadoğlu, Mirvari Qəhrəmanlı, Zöhrab İsmayıl, Elçin Abdullayev, İntiqam Əliyev, Ənnağı Hacıbəyli, Rəsul Cəfərov, Gülnarə Bağırova, Aynur İmranova və Emin Hüseynov.
"Azadlıq" qəzetinin direktoru Azər Əhmədov AİHM-ə ərizəsində ləğv edilmiş MTN tərəfindən onun danışığının dinlənilməsindən şikayət edir.
Ərizəçilərin sırasında xeber44.com dini saytının redaktoru, hazırda həbsdə olan Araz Quliyev də var. O 5 il öncə Masallıda saxlanılıb. Qanunsuz narkotik maddə saxlamaq və digər cinayətlərdə ittiham olunaraq 8 il azadlıqdan məhrum edilib.
AİHM sözügedən işlərlə bağlı Azərbaycan hökumətinə suallar göndərib. Suallara üç ay ərzində cavab verilməlidir.-16D-
Siyasət
-
İran İslam İnqilabı Keşikçiləri Korpusu (SEPAH) bildirib ki, onun Quru Qoşunları İranın şimal-qərbində Azərbaycan Respublikası Ordusu ilə birgə hərbi təlimə başlayıb.
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
Rəy yaz