![Azərbaycan İran üçün Avropaya körpü rolunu oynaya bilər - Ruhani](https://turan.az/resized/media/2018/main/031400008484-750-500-resize.webp)
Azərbaycan İran üçün Avropaya körpü rolunu oynaya bilər - Ruhani
Tehran/14.03.18/Turan: İran və Azərbaycan bütün istiqamətlərdə ikitərəfli münasibətləri genişləndirməkdə qətiyyətlidirlər, Azərbaycan isə İranı Avropa ilə birləşdirən körpüyə çevrilə bilər. Bu barədə İran prezidenti Həsən Ruhani çərşənbə axşamı Tehranda Azərbaycanın iqtisadi inkişaf naziri Şahin Mustafayevi qəbul edərkən bildirib.
İRNA agentliyinin məlumatına görə, martın sonlarında Bakıya səfəri haqqında danışan Ruhani bu səfərin ikitərəfli əlaqələri daha da möhkəmləndirəcəyinə ümid etdiyini bildirib.
"Bu gün iki ölkə arasında müxtəlif sahələrdə, o cümlədən sənaye, əczaçılıq, avtomobil istehsalı, kənd təsərrüfatı və turizm sahəsində yaxşı münasibətlər mövcuddur, digər sahələrdə, o cümlədən tranzit və Xəzər dənizində birgə əməkdaşlıq sahəsində münasibətlərin genişləndirilməsi üçün birgə addımlar atılır", deyə o qeyd edib.
İran prezidenti Xəzər dənizinin hüquqi rejiminin həyata keçirilməsi və reginda birgə iqtisadi əməkdaşlığın tənzimlənməsinin planlaşdırılması üçün İran və Azərbaycanın vəzifəli şəxsləri arasında məsləhətləşmələrin və əməkdaşlığın zəruriliyini qeyd edib.
Onun sözlərinə görə, son illər birgə investisiyalar və ticari sövdələşmələrin həcmi xeyli artıb.
Öz növbəsində Azərbaycanın iqtisadiyyat naziri energetika, nəqliyyat, dəmir yolu, tibb, avtomobil istehsalı, səhiyyə, turizm sahəsində ikitərəfli əlaqələri, mədəni və akademik münasibətləri genişləndirməyə çağırıb. -02D-
-
- Maliyyə
- 14 Mart 2018 12:23
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz