Azərbaycan XİN: “Bu, Ermənistan Baş nazirinin növbəti, tamamilə yalan və iftira dolu bəyanatıdır”

Bakı/17.07.21/Turan: Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva KİV-in Ermənistan Baş naziri Nikol Paşinyanın Avropa İttifaqı Şurasının Prezidenti Şarl Mişel ilə iyunun 17-də İrəvanda birgə brifinqdə səsləndirdiyi fikirlərlə bağlı suallarını cavablandırır.

Ermənistan Baş naziri N.Paşinyan Avropa İttifaqı Şurasının Prezidenti ilə iyulun 17-də keçirdiyi birgə mətbuat brifinqində  Azərbaycan əleyhinə ittihamlarla çıxış edib.

Ermənistan Baş naziri Azərbaycanı qonşu dövlətlərə ərazi iddiası etməkdə, sərhəd gərginliyi yaratması və delimitasiya prosesinə əngəl törətməkdə ittiham edib. 

“Bu, Ermənistan Baş nazirinin növbəti, tamamilə yalan və iftira dolu bəyanatıdır. Xatırladıram ki, bu cəfəng iddiaları 30 ilə yaxın Azərbaycana qarşı təcavüz siyasətini həyata keçirib, ərazilərini hərbi işğal altında saxlayan, bir milyondan çox azərbaycanlının fundamental hüquqlarını pozan ölkənin lideri səsləndirir”, deyə L. Abdullayeva N.Paşinyanın iddialarına cavab verib.  

Xidmət rəhbəri Ermənnistan Baş nazirini “Böyük Ermənistan” xülyası ilə çıxış etməkdə, Azərbaycana qarşı ərazi iddialarını indid də davam etdriməkdə günü bu gün də davam etdirən, bu iddiaları ölkə Konstitusiyasında əks olunan Ermənistanın Baş naziri görünür, öz ölkəsinin aqressiv, destruktiv və barışmaz siyasətinə “əsaslar” yaratmaqda ittiham edib.  

L.Abdullayeva deyib ki, Ermənistandan fərqli olaraq, Azərbaycanın bu günədək heç bir dövlətə qarşı ərazi iddiası olmayıb: “Azərbaycan, dövlətlərin beynəlxalq sərhədləri çərçivəsində ərazi bütövlüyünə hörmətlə yanaşır və eyni yanaşmanın Azərbaycana münasibətdə nümayiş etdirilməsini tələb edir”, deyə 

Azərbaycanın mövqeyini diqqtətə çatdırıb. 

Xidmət rəhbəri xatırladır ki, Azərbaycan xalqının milli tarixi yaddaşında, soydaşlarımızın müasir Ermənistan ərazisi Qərbi Azərbaycan adlanır və məlum olduğu kimi, XX əsr ərzində soydaşlarımız bu ərazidən, sonuncusu 1988-ci il olmaqla, 3 dəfə deportasiya edilib. 

L.Abdullayeva əalvə edir ki, Zəngəzur bölgəsi və onun Şərq və Qərb hissələrinə bölünməsi də bir tarixi reallıqdır, soydaşlarımızın həmin ərazilərə qayıtması onların malik olduğu ən təbii haqlarıdır. 

Xidmət rəhbərinə görə, Paşinyanın Azərbaycana qarşı “sərhəd gərginliyi, delimitasiya prosesinə əngəl törətmək” iddiaları riyakarlıqdan başqa bir şey deyildir: “Ərazi bütövlüyünü təmin edən Azərbaycan, ərazilərinin işğalı faktorunun aradan qaldırılması ilə beynəlxalq hüquq prinsipləri əsasında münasibətləri normallaşdırmağa, delimitasiya və demarkasiya prosesini başlamağa hazır olduğunu bəyan edib, bu istiqamətdə əməli addımlar atıb.-05D-