Azərbaycan XİN-in qeyri-adi təmkinliliyi nə ilə əlaqədardır?

İki gün əvvəl ATƏT MQ-nin Amerikalı həmsədri Ceyms Uorliki heç də diplomatik olmayan ifadələrlə tənqid edən Azərbaycan XİN Uorliklə eyni şeyi deyən Rusiya XİN rəhbəri Sergey Lavrova münasibətdə özünə xas olmayan təmkinlilik nümayiş etdirib.

Xatırladaq ki, noyabrın 4-də AŞPA-nın siyasi məsələlər üzrə komissiyası Minsk prosesi çərçivəsində Ermənistan silahlı qüvvələrini Dağlıq Qarabağdan çıxarmağa, habelə həmin ərazilər üzərində Azərbaycanın tam suverenliyini tanımağa çağıran qətnamə layihəsini təqdir edib.

MQ-nin Amerikalı həmsədri Uorlik bu məruzəni tənqid edib. O, Twitter mikrobloqunda yazıb: "AŞPA və ya digər beynəlxalq təşkilatlar Qarabağ münaqişəsi ilə bağlı hər-hansı məruzə və ya qətnamələri təqdir etməzdən əvvəl ilk növbədə ATƏT-in Minsk qrupu ilə məsləhətləşməlidir".

Bu məruzə Bakıda əsl qalmaqala səbəb olub, rəsmi Bakı Uorliki kəskin şəkildə pisləyib. ATƏT MQ-nin həmsədrləri Qarabağ münaqişəsinin həllində minimum irəliləyişə belə nail olmayıblar və Amerikalı həmsədr tənzimləmə məsələsi ilə bağlı başqa təşkilatlara məsləhət və tövsiyə vermək hüququna və əsaslarına malik deyil, deyə Azərbaycan XİN-in mətbuat katibi Hikmət Hacıyev bildirib.

ATƏT MQ-nin işinin nəticələri sıfıra bərabərdir, buna görə münaqişənin tənzimlənməsinə töhfə verməyə çalışan digər beynəlxalq qurumların fəaliyyəti mənasız olan ATƏT MQ ilə məsləhətləşməsinə ehtiyac yoxdur, deyə Hacıyev bildirib.

MQ-nin nəticəsiz fəaliyyəti hər cür Amerikanın maraqlarına xidmət edir, "Ceyms Uorlikin Ermənistanın işğalçı siyasətinin davam etdirilməsinə xidmət edən planın tərkib elementi olduğu istisna deyil", deyə Hacıyev fikrini tamamlayıb.

Lakin noyabrın 9-da RF XİN rəhbəri Sergey Lavrov Yerevanda eyni şeyləri deyib və Azərbaycan XİN-in mətbuat katibinin bütün çevikliyi yoxa çıxıb.

"Kimin tərəfindən olursa olsun, istənilən kəskin, radikal hərəkətlər ATƏT MQ həmsədrlərinin işinə yalnız ziyan verir", deyə Lavrov Robert Uolterin məruzəsini şərh edərkən bildirib.

"Biz - Rusiya, Fransa və ABŞ Dağlıq Qarabağ nizamlanmasında ardıcıl, işgüzar, səbrli dialoq yerinə bu mövzunun tənzimləmə ilə məşğul olmayan müxtəlif beynəlxalq meydanlara çıxarılmasının qəti əleyhinəyik. Ən azından, beynəlxalq ictimaiyyət adından heç kim onlara belə bir tapşırıq verməyib", deyə Lavrov qeyd edib.

Hikmət Hacıyev və onun şerlərinin bu növbəti erməni sövdələşməsinə prinsipial qiymət verəcəyi gözlənilirdi, amma bu dəfə belə olmadı.

"Biz mətbuat konfransında səslənən ATƏT-in Minsk qrupunun BMT TŞ-nin müvafiq qətnamələrində təsdiq olunduğu kimi, Azərbaycan və Ermənistan arasındakı razılaşmalar əsasında fəaliyyət göstərməli olduğu barədə fikirlə razıyıq", deyən Hacıyev nədənsə Lavrovun payını verməyi unudub. Lakin o, BMT TŞ-nin verdiyi mandatı doğrultmayan ATƏT MQ həmsədrlərinin işinə prinsipial qiymət verib. -02D-