![Bəhruz Səmədovun nənəsi etiraz aksiyasını keçirib](https://turan.az/resized/news/2024/dbfei1UOPf7nTAop03iq1oDpspuAxNaYnzqL4lCc-750-500-resize.webp)
Bəhruz Səmədovun nənəsi etiraz aksiyasını keçirib
Həbsdə olan politoloq Bəhruz Səmədovun nənəsi Zibeydə Osmanova Ombudsman Aparatının qarşısında etiraz aksiyasını keçirib. Z.Osmanova Ombudsman Səbinə Əliyeva görüş tələb edib.
O, əlində B.Səmədovun şəklini tutaraq bildirib ki, nəvəsi günahsızdır və heç bir əsas olmadan həbs olunub: "Bəhruzla mən nə telefonla əlaqə saxlaya bilmirəm, nə də mənə onunla görüşməyə icazə verirlər. Heç bir günahı olmayan nəvəm Bəhruz niyə tutulub? Səbəbi nədir? Onu bilmək istəyirəm. Mənə onun günahını desinlər. Məni onunla görüşdürsünlər".
Z.Osmanova qeyd edib ki, nəvəsi sülh istəyən bir gəncdir: "Sülh istəyən gəncləri tutmalıdırlar? Mən ona görə gəlib tələb edirəm ki, nəvəmdən bu zülmü götürsünlər".
Onun sözlərinə görə, Dövlət Təhlükəsizliyi Xidmətinin təcridxanasında saxlanılan B.Səmədova kitabları göndərmək istəsə də, buna imkan yaradılmadı: "Mənim nəvəmi kitabdan, telefondan, televizordan niyə məhrum ediblər? Tək-tənha saxlayırlar. Biz aydınlaşdırsınlar bunu və mənə onunla görüş versinlər".
Ombudsman Aparatının əməkdaşları Zibeydə Osmanovanı qəbula dəvət ediblər.
Qəbuldan sonra Z.Osmanova dedi ki, ərizə yazdı, həmin ərizədə də nəvəsinin günahsız olduğunu qeyd edib: "Mənim ombudsmandan yeganə xahişim odur ki, həqiqətin yanında olsunlar və mənim nəvəmə yardım etsinlər. Nəvəm Bəhruz Vətənə xəyanət etməyib, o ancaq sülh istəyir".
Məsələ ilə bağlı Dövlət Təhlükəsizliyi Xidmətindən və Ombudsman Aparatından öyrənmək mümkün olmayıb.
-
- Cəmiyyət
- 28 Avqust 2024 18:28
Siyasət
-
ATƏT PA-nın 60-a yaxın müşahidəçisi sentyabrın 1-də keçiriləcək növbədənkənar parlament seçkilərini müşahidə etmək üçün Azərbaycana gələcək. Bu missiya 1995-ci ildən etibarən PA-nın ölkədə seçkiləri müşahidə edən on birinci missiyası olacaq, bu barədə təşkilatın saytında dərc edilmiş məlumatda deyilir.
-
Avqustun 28-də Bakı Apellyasiya Məhkəməsində Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədlinin şikayətinə baxılıb, bu barədə Turan-a fəalın yaxınları bildirib.
-
Tovuz rayon Vəkil Bürosunun müdiri Abdullayev Rəşad Tapdıq oğlu və həmin qurumun vəkili Əliyev Süleyman Hüseynqulu oğlu barəsində Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddəsi ilə cinayət işi başlanıb.
-
Bu gün Azərbaycan prezidenti İlham Əliyevin iştirakı ilə Sea Breeze istirahət mərkəzində LANDAU məktəbinin və The Grand apart-otelin açılışı olub, xəbəri dövlət başçısının saytı yayıb.
Rəy yaz