Azərbaycanda insan haqlarının vəziyyəti 20-21 oktyabr tarixlərində Cenevrə şəhərində BMT-nin İnsan Haqları Komitəsi tərəfindən müzakirə olunacaq. Bu barədə Turan-a BMT-nin Azərbaycan nümayəndəliyindən bildiriblər.
Mülki və Siyasi Hüquqlar haqqında Beynəlxalq Paktı (MSHBP) ratifikasiya etmiş 168 Dövlətdən biri kimi, Azərbaycandakı vəziyyətin Komitə tərəfindən nəzərdən keçirilməsi tələb olunur.
18 beynəlxalq müstəqil üzvdən ibarət olan Komitə Azərbaycan Hökumətinin nümayəndə heyəti ilə Mülki və Siyasi Hüquqlar haqqında Beynəlxalq Paktı ilə (MSHBP) bağlı bir sıra məsələləri müzakirə edəcək. Üzvlər həmçinin QHT nümayəndələri ilə brifinq keçirəcəklər.
Komitənin nümayəndə heyəti ilə görüşləri açıqdır və oktyabrın 20-də saat 15.00-dən 18:00-dək (Bakı vaxtı ilə 20:00-dan 17:00-dək) və oktyabrın 21-də 10:00-dan 13:00-dək (Bakı vaxtı ilə 12:00-dan 15:00-dək) Cenevrə şəhərindəki “Palais Wilson” sarayının “Ground Floor” Yığıncaq Salonunda keçiriləcək. Görüşlər açıqdır və http://webtv.un.org/ saytından yayımlanacaq.
Azərbaycan insan haqları üzrə öhdəliklərinin həyata keçirilməsi ilə bağlı Komitəyə hesabat təqdim edib, eyni zamanda bir sıra qeyri-hökumət təşkilatı Komitədə baxılmaq üçün hesabat təqdim edib. Ətraflı məlumat aşağıdakı səhifədən əldə edilə bilər:
http://tbinternet.ohchr.org/_layouts/treatybodyexternal/SessionDetails1.aspx?SessionID=1034&Lang=en
Komitə 4 noyabr tarixində saat 13:30-da Cenevrədəki “Palais des Nations” sarayında Azərbaycan və digər ölkələrlə (Slovakiya, Polşa, Moldova, Yamayka, Kolumbiya və Mərakeş) bağlı nəticələri müzakirə etmək üçün mətbuat konfransı keçirəcək. Rəsmi olaraq yekun nəticələr kimi tanınan həmin nəticələr noyabrın 4-də bu saytda nəşr olunacaq:
http://tbinternet.ohchr.org/_layouts/treatybodyexternal/SessionDetails1.aspx?SessionID=1034&Lang=en
İnsan Haqları Komitəsinin üzvləri Üzv Dövlətlərin nümayəndələri kimi deyil, dünyada fərdi nümayəndə qismində çıxış edən insan hüquqları üzrə müstəqil mütəxəssislərdirlər. Komitənin yekun nəticələri Dövlətlərin Saziş üzrə insan haqları öhdəliklərinə nə dərəcədə riayət etdiklərinin müstəqil qiymətləndirilməsidir. -06D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz