Bakı/15.10.19/Turan: Türkiyənin Suriyada həyata keçirdiyi "Sülhün mənbəyi" hərbi əməliyyatı iki məqsədə xidmət edir - sərhədlərdə terror təhlükələrinin tamamilə aradan qaldırılması və 3 mln. 650 min suriyalının təhlükəsiz şəkildə evlərinə qaytarılması. Bu barədə Türkiyə prezidenti Recep Tayyip Erdoğan bu gün Bakıda Türk Şurasının sammitində çıxış edərkən bildirib.
Türkiyədən sığınacaq tapmış qaçqınlar arasında 350 min Suriya kürdü də var, Erdoğan onları "qonaqlarımız" adlandırıb.
Erdoğanın sözlərinə görə, əməliyyat uğurla davam edir. "İndiyədək 1000 kv. km-i azad etmişik. Sərhədlərimizin təhlükəsizliyini təmin edirik", deyə Erdoğan bildirib.
"Əməliyyat qarşımıza qoyduğumuz məqsədlər tamamilə yerinə yetirilənə qədər davam edəcək", deyə o, sözünə davam edib. Birinci mərhələdə təhlükəsiz ərazilərə 1 mln. Suriya qaçqını, ikinci mərhələdə isə 2 mln. qaçqın göndəriləcək.
Biz qardaş ölkələri Türkiyəni terrorizmə qarşı mübarizəsində dəstəkləməyə çağırırıq", deyə Erdoğan bildirib. -71C-
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz