Bakı/19.09.16/Turan: Son günlər Azərbaycan KİV və internet resurslarında Rusiyanın orta məsafəli “İsgəndər” raketlərinin Ermənistana satışı haqqında materiallara rast gəlinir.
“Ekspertlər” və “mütəxəssislər” gələcək müharibədə bunun nəticələrini təhlil etməyə başlayıblar.
Qeyd edək ki, bu məlumatın ilk mənbəyi Ermənistanın “Novostnik” resursu olub. Burada indi Ermənistanın Azərbaycanın istənilən nöqtəsinə necə zərbə endirə və onun neft infrastrukturunu, komanda qərargahlarını və s.necə yerlə-yeksan edə biləcəyindən danışılır.
Bu zaman nəşr ermənilərdə müvafiq silahların olmasının dəlili kimi Yerevanda hərbi paradın məşqindən fotoşəkillər dərc edir.
Amma bizim yerli “ekspertlərin” gördüklərini qiymətləndirmək iqtidarında olmaması təəccüb doğurur.
Yerevanda qeyri-adi nə nümayiş olunub? Bəzi erməni KİV-lərinin “İsgəndər” kimi qələmə verdikləri əslində köhnəlmiş “Skad” Sovet raketləridir, onlar Ermənistanda hələ 90-cı illərin ortalarından olub. Ermənilər həmin vaxtdan onlarla atəş açmaqla hədələyir, amma bu raketlər çoxdan silahllar arasından çıxarılıb, belə ki, mənəvi və fiziki cəhətdən köhnəlib.
Onların təhlükəsinə gəlincə, Azərbaycanda mövcud olan “C300” və “Dəmir günbəz” bu raketləri tuta bilər.
Bundan başqa, Yerevandakı paradda iki “Smerç” qurğusu görünüb ki, onlar Ermənistanda yox idi.
Amma ermənilər təvazökarcasına qeyd edirlər ki, paradda 102-ci Rusiya hərbi bazasının qüvvələri və vasitələri də iştirak edir.
İstənilən halda, Ermənistan indiyədək rəsmi olaraq Rusiyadan “Smerç” sistemləri aldığını bəyan etməyib, əksinə, Yerevan daim silah almaq üçün 200 mln. dollarlıq kreditin hələ də işləməməsindən şikayətlənir.
Beləliklə, Ermənistan tərəfin qüvvələrin balansını Ermənistanın xeyrinə dəyişdirə biləcək müasir növ silahlar alması faktı təsdiqini tapmır.
Hətta Ermənistanın iki “Smerç” qurğusu aldığını ehtimal etsək belə, “Vikipediya”nın məlumatına görə Azərbaycanın 24 belə qurğusu var.
Bir müddət əvvəl Ermənistan prezidenti Serj Sarkisyan özü etiraf edirdi ki, Azərbaycan Naxçıvan ərazisindən Yerevana zərbə endirə bilər. Naxçıvandan Yerevana qədər məsafə 50 km, “Smerç” qurğusundan raketlərin uçuş məsafəsi isə 72 km-dir. -02В-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz