Bakı/19.01.18/Turan: Ermənistan prezidenti Serj Sarkisyan bu gün hakim Respublika Partiyasından ölkənin növbəti prezidenti vəzifəsinə namizədinin adını elan edib.
Bu namizəd Ermənistanın Böyük Britaniyada və İrlandiyadakı səfiri Armen Sarkisyandır.
Bu barədə bu gün Serj Sarkisyan bildirib.
Seçkilər martın 2-də keçiriləcək. Ermənistanın 7 il müddətinə yeni prezidentini parlament seçəcək.
Armen Sarkisyan 23 iyun 1953-cü il tarixində Yerevanda dünyaya gəlib. Yerevan Dövlət Universitetinin fizika və riyaziyyat fakultəsini bitirib. 1992-1995-ci, 1998-2000-ci illərdə və 2013-cü ildən etibarən Ermənistanın Böyük Britaniyada səfiri vəzifəsini tutub. Həmçinin, Aİ-də, Belçikada, Niderlandda, Lüksemburqda və Vatikanda səfir olub. 1995-96-cı illərdə Ermənistanın Aİ missiyasına rəhbərlik edib. 1996-cı ilin noyabrından 1997-ci ilin fevralına qədər Ermənistanın baş naziri olub. -0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz