Fransa məhkəməsi Villerban şəhəri və Şuşa erməniləri arasında dostluq haqqında müqaviləni ləğv edib
Bakı/18.10.19/Turan: Cümə günü Lion İnzibati Məhkəməsi Villerban şəhəri ilə Azərbaycanın separatçı anklavı -Dağlıq Qarabağın Şuşa şəhər bələdiyyəsi arasında imzalanmış dostluq və qardaşlıq haqqında müqaviləni ləğv edib. Bu barədə oktyabrın 18-də Frans Press agentliyi bildirib.
Hakimlər hesab ediblər ki, bu müqavilə Fransanın beynəlxalq öhdəlikləri nəzərə alınmadan imzalanıb və qanuna ziddir, - məhkəmənin bəyanatında deyilir.
2015-ci ildə imzalanmış bu sənəd Dağlıq Qarabağ erməniləri, Fransanın müxtəlif bələdiyyələri və departamentləri ilə qondarma Dağlıq Qarabağ hakimiyyəti arasında imzalanmış 10-dan çox sazişdən biridir.
Xatırladaq ki, son aylar Fransa məhkəmələri həmin müqavilələrdən əksəriyyətini ləğv edib. -71B-
Siyasət
-
Mərkəzi Seçki Komissiyasının şikayətləri ciddi araşdırmadan parlement seçkilərinin ümumi nəticələrini təsdiq etməsi təəssüf doğurur, - Seçki Müşahidə Alyansının rəhbəri Məmməd Məmmədzadə Turan-a bildirib.
-
Azərbaycan Xüsusi Rabitə və İnformasiyanın Mühafizəsi üzrə Dövlət Xidməti çərşənbə günü bildirib ki, cinayətkarlar şəxsi məlumatlara, maliyyə resurslarına və həssas dövlət informasiya sistemlərinə daxil olmaq üçün daha mürəkkəb üsullardan istifadə etməklə dövlət qurumlarına və vətəndaşlara qarşı kiberhücumların sayı son aylarda kəskin şəkildə artıb.
-
Sentyabrın 16-da Azərbaycan Mərkəzi Seçki Komissiyası VII çağırış Milli Məclisə seçkilərin ümumi nəticələri və məsələnin Konstitusiya Məhkəməsinin təsdiqinə verilməsi haqqında protokolu təsdiqləyib. Mərkəzi Seçki Komissiyasının rəhbəri Məzahir Pənahov bildirib ki, Mərkəzi Seçki Komissiyası 46 seçki məntəqəsində nəticələri etibarsız sayıb. Eyni zamanda, 17 dairədə 35 məntəqə seçki komissiyası buraxılıb.
-
Ermənistanın baş naziri Nikol Paşinyan etiraf edib ki, sələfləri kimi o da qonşu ölkələrlə davam edən münaqişəni əbədiləşdirərək milləti yanıldıb və buna görə erməni xalqından açıq şəkildə üzr istəyib. Paşinyan Facebook yazısında ərazi fəthinə yönəlmiş əvvəlki siyasət ilə "əsl Ermənistan" baxışı arasında fərqi ortaya qoyub. Onun sözlərinə görə, "əsl Ermənistan" 2020-ci ildə Azərbaycanla müharibədə Ermənistanın məğlubiyyətindən sonra başlayıb.
Rəy yaz