Bakı/26.12.18/Turan: Azərbaycanın təkcə energetika bazarında deyil, bütünlükdə geosiyasi cəhətdən əhəmiyyəti və rolu artır, bu barədə "Rossiya-24" telekanalına müsahibəsində prezident İlham Əliyev bildirib.
Ölkə daha da inkişaf edir, regionda özünü sübut etmək üçün daha çox planları var və bizim inkişafımıza, müstəqil siyasət aparmağımıza proporsional olaraq bizə təzyiq də artır, deyə o, sözünə davam edib.
Əliyevin sözlərinə görə, bu təzyiq energetika amilləri ilə bağlı deyil. "... O, bizi növbəti dəfə xalqımıza və ölkəmizə qəti zidd olan hansısa avanryuralara çəkmək cəhdləri ilə bağlıdır... Azərbaycanda nə fiziki, nə ideoloji, nə sosial, nə siyasi potensial risk və təhlükə yoxdur. Vətəndaşlarımızın rahatlığını poza biləcək şey yalnız kənardan daxil ola bilər".
Əliyev qeyd edib ki, Azərbaycan öz suverenliyi, təhlükəsizliyi ilə bağlı məsələlərə çox həssas yanaşır.
"Buna görə Azərbaycanın hansısa beynəlxalq avantyuralara cəlb edilməsi cəhdləri həmişə uğursuzluğa düçar olub. Yəqin ki, bu, kiminsə xoşuna gəlmir və biz vaxtaşırı bu nəticələri görürük. Bir qayda olaraq, onlar bizim ümumiyyətlə iştirak etmədiyimiz beynəlxalq təşkilatların hansısa qətnamələrinin qəbulunda özünü göstərir", deyə Əliyev bildirib.
O, insan hüquqlarının pozulması ilə bağlı tənqidi də təkzib edib.
"Həm də, qəribədir ki, bizə qarşı üzvü olmadığımız və üzvü olmaq niyyətində olmadığımız qurumlar qətnamələr qəbul edirlər. Bu, daha çox, necə deyərlər, təbəssüm doğurur. Həmçinin, əlbəttə ki, mətbuata təbliğat xarakterli saxta məlumatlar sızdırılmasından fəal şəkildə istifadə olunur. Bu, ən çox sevilən qarayaxma, şantaj və təzyiq göstərmə cəhdi metodudur. Amma bizim də buna qarşı immunitetimiz yaranıb", deyə Əliyev bildirib.
Prezident Azərbaycanın tənqid edən qətnamələri qəbul edən, ölkənin iştirak etmədiyi konkret təşkilatların adını çəkməyib.
Amma belə qurumlardan biri ölkədə insan hüquqları sahəsində vəziyyət yaxşılaşmadan Azərbaycan və Aİ arasında yeni sazişi ratifikasiya etməyəcəyi barədə xəbərdarlıq edən Avropa Parlamentidir. -06B-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz