![Армен Геворгян](https://turan.az/resized/750/500/resize/media/2018/main/080400012180.jpg)
Армен Геворгян
Koçaryan komandasının daha bir üzvü həbs edilə bilər
Bakı/04.08.18/Turan: Ermənistanın keçmiş vitse-prezidenti Armen Qevorqyana qarşı ədalətli mühakiməyə mane olma ittihamı irəli sürülüb. Onun cinayət işi 1 mart 2008-ci il hadisələri haqqında işlə birləşdirilib. Xəbəri "Azadlıq" radiosu yayıb.
"Söhbət müxalifət 2008-ci il prezident seçkilərinin yekunlarına etiraz edərkən hakimin seçkilərdə Serj Sarkisyanın qələbəsinin xeyrinə qərar qəbul etməsi üçün Konstitusiya Məhkəməsinin hakiminə təzyiq göstərilməsindən gedir", deyə Ermənistanın İstintaq Xidmətinin rəsmi nümayəndəsi bildirib.
Qevorqyandan ölkəni tərk etməmək haqqında iltizam alınıb.
Armen Qevorqyan Ermənistanın keçmiş prezidentləri Robert Koçaryan və Serj Sarkisyanın hakimiyyəti illərində yüksək dövlət vəzifələri tutub, 1 mart 2008-ci il hadisələri zamanı isə Milli Təhlükəsizlik Şurasının katibi olub.
Qeyd edək ki, bir müddət əvvəl İstintaq Xidmətinin rəhbəri Sasun Xaçatryan Armen Qevorqyan və daha bir məmurun KM hakimi Valeri Poqosyana təzyiq göstərməyə çalışdıqlarını bildirib.
Qevorqyana qarşı 332-ci maddənin 3-cü hissəsi ilə ədalətli mühakiməyə mane olma ittihamı irəli sürülüb. Bu cinayətə görə o, 6 ilə qədər azadlıqdan məhrum edilə bilər. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz