Leonid Kalaşnikov: �Azərbaycanda rus dilinə olan qayğı nümunəvi xarakter daşıyır�

Bakı/10.10.19/Turan: Oktyabrın 9-da prezident İlham Əliyev RF Dövlət Dumasının MDB, Avrasiya inteqrasiyası işləri və həmvətənlərlə əlaqələr komitəsinin sədri Leonid Kalaşnikovun başçılıq etdiyi nümayəndə heyətini qəbul edib.

Deputatlar Bakıya Rus Kitab Evinin ildönümündə iştirak etmək üçün gəliblər, rəsmi məlumatda deyilir.

Qonaqları salamlayan İ.Əliyev qeyd edib ki, səfər qarşıdakı MDB sammiti ərəfəsində baş tutub. Öz növbəsində Leonid Kalaşnikov deyib ki, bu yaxınlarda prezident Əliyevin Rusiyaya səfəri böyük effekt doğurub.

"Vladimir Vladimiroviç Putin məni hələ apreldə Pekin görüşümüzdə dəvət etdi. O zaman biz konstruktiv danışıqlar apardıq və indi Soçidə bir növ danışıqlara yekun vururduq. Nə barədə razılaşırıqsa hamısı yerinə yetirilir. Əlbəttə, prezidentlə görüş çox məzmunlu, səmimi keçdi. Mən buna çox şadam", - İ.Əliyev bildirib.

Öz növbəsində Kalaşnikov Azərbaycanda dövlət səviyyəsində rus dilinə olan qayğının nümunəvi xarakter daşıdığını qeyd edib. O, Azərbaycanda 350-dən artıq orta məktəbdə tədrisin rus dilində aparıldığını və ali təhsil müəssisələrində rus bölmələrinin fəaliyyət göstərdiyini məmnunluqla vurğulayıb.

Parlamentlərarası əlaqələrin inkişafına toxunan qonaq Rusiyanın Avropa Parlament Assambleyasında üzvlüyünün bərpasında Azərbaycan nümayəndə heyətinin göstərdiyi dəstəyin yüksək qiymətləndirildiyini bildirib. Görüşdə Azərbaycan və Rusiya arasında elm, təhsil və digər humanitar əməkdaşlığın inkişaf perspektivlərinə dair fikir mübadiləsi aparılıb. -06D-