MƏMURLAR KEYFİYYƏTSİZ DUZLA ƏHALİNİ QIRIR

    BAKI/24.08.10/TURAN: Bütün MDB məkanında və regionda yeganə milli talassemiyanın müalicəsi mərkəzinin Bakıda tikilməsi təsadüfi olmayıb. Ölkəmiz bu qan xəstəliyinin mütləq göstəricilərinə görə regionda liderdir.
     Bu xəstəliyin, habelə boğaz urunun, dişlərin tökülməsinin, uşaqsalmaların və sonsuzluğun yayılmasına səbəb qidada keyfiyyətsiz duzdan istifadə olunmasıdır. Bu barədə «Trend» informasiya agentliyində keçirilən bugünki mətbuat konfransında Azad İstehlakçılar Cəmiyyətinin sədri Eyyub Hüseynov bildirib.
     Standartlara uyğun olmayan duz bir çox yerlərdə: Naxçıvanda, Salyan və Neftçala rayonlarında istehsal olunur. Lakin ən böyük «başağrısı» Masazır gölüdür, buradan hər gün kiçik və yarımleqal sexlərə yüzlərlə ton zərərli duz daxil olur.
     2001-ci ilin dekabrından AR «Yod çatışmazlığı xəstəliklərinin kütləvi profilaktikası məqsədilə yodlaşdırılmış duz haqqında» qanunu qüvvədədir.
     İyulun 21-də ildə 90 min ton gücündə Masazır duz zavodu istismara verilib. Azərbaycanın qida duzuna tələbatı 50 min ton təşkil edir. Ehtimal etmək olardıki, İqtisadi İnkişaf Nazirliyi, Səhiyyə Nazirliyi, Gömrük Komitəsi, DİN bu duzun «kənar» istehsalının qarşısını almaq üçün əllərindən gələni edəcək. Amma ölkənin bütün dükanlarında əvvəlki kimi onlarla yodsuz və sağlamlıq üçün zərərli olan xarici istehsal duz növü satılır.
     Naxçıvan «duzu»na gəlincə, bu, xüsusi bir məsələdir, deyə Hüseynov bildirib. O, məcburi qaydada ordu hissələrinə, Kənd Təsərrüfatı Nazirliyinin bölmələrinə və mağazalara paylanılır.
     Misal kimi Hüseynov «Neptun» mağazasından alınmış duz nümunələrində yod olub-olmadığını təcrübədən keçirdi (yerli və xarici istehsal olan 7 növ). Yeni duz zavodunun məhsulundan başqa heç bir nümunədə yod aşkar edilmədi. -17D-