Bakı/05.06.19/Turan: Ötən gün Türkiyə Silahlı Qüvvələrinin bölmələri və hərbi texnika Naxçıvan Muxtar Respublikasına gətirilib. Onlar iyunun 7-11-də Azərbaycan Silahlı Qüvvələri ilə birlikdə keçiriləcək "Sarsılmaz qardaşlıq" taktiki təlimlərində iştirak edəcəklər.
Təlimlərdə iştirak edən hərbi qulluqçuların ümumi sayı 5 min nəfərdir. Bu barədə Azərbaycan Müdafiə Nazirliyinin məlumatında bildirilir.
Təlimlərə 200-dən artıq tank və digər zirehli texnika, 180-ə yaxın müxtəlif çaplı raket və artilleriya qurğusu, yaylım atəşli reaktiv sistemləri və minaatan, 21 ədəd təyyarə, helikopter, pilotsuz uçuş aparatı və silahlanmaya yeni daxil edilmiş müxtəlif növ müasir silah və hərbi texnika nümunələri cəlb olunacaq.
Təlimlərdə məqsəd birgə döyüş əməliyyatlarının hazırlanması, şəxsi heyətin peşəkarlıq səviyyəsinin artırılması, Azərbaycan və Türkiyə hərbi bölmələrinin qarşılıqlı fəaliyyətinin koordinasiyasıdır.-02D-
Siyasət
-
Rusiyadan İrana qaz kəməri Azərbaycandan keçəcək, onun marşrutu razılaşdırılıb. TASS xəbər verir ki, bu barədə jurnalistlərə energetika naziri Sergey Tsivilev bildirib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
-
İlham Əliyev İrakli Kobaxidzeni "Gürcü arzusu" partiyasının seçkilərdə qələbəsi münasibətilə təbrik edib və ona yeni uğurlar arzulayıb.
-
Yanvarın 17-də Bakının Xətai Rayon Məhkəməsi Meydan TV-nin jurnalistləri Aynur Elgünəş və Natiq Cavadlının ev dustaqlığına keçirilmələri haqqında vəsatətlərini təmin etməyib.
Rəy yaz