O, polisin jurnalistlərə qarşı zorakılıq olmadığı, reportyorların biznesmen Emin Ələsgərovun şəxsi həyatına qəsd etməyə çalışdıqları barədə iddialarını əsassız sayır.
Ağaliyev jurnalistlərin villanın kənardan görünüşünün fotoşəklini çəkməyə çalışdıqlarına, içəriyə daxil olmadıqlarına diqqət çəkib. İstintaq jurnalistlərin hasarın arxasında, yəni villanın daxilində nə olduğunu çəkdiklərinə dair dəlil təqdim etməyib. Jurnalistlərin hasara və qapıya dırmanması haqqında iddialara gəlincə, hasarın hündürlüyünü nəzərə alsaq, bu, real deyil, deyə ekspert bildirib. Digər tərəkdən, istintaq və villa işçiləri faktiki olaraq jurnalistlərə qarşı güc tətbiq edildiyini təkzib etmirlər. Belə ki, onların villa mühafizəçisinin otağına gətirilməsi, fotoaparatın yaddaş kartının götürülməsi etiraf olunur. Bütün bunlar göstərir ki, jurnalistlərin qanuni fəaliyyətinə maneçilik törədildiyini sübuta yetirir ki, buna görə cinayət məsuliyyəti nəzərdə tutulur.
Polis jurnalistlərin üzərində bədən xəsarətləri olduğunu da etira edir, lakin bu zaman məhkəmə tibbi ekspertizası faktiki olaraq zorakılıq izləri olduğunu təkzib edərək, zədələrin «hündürlükdən yıxılma nəticəsində» yarana biləcəyini iddia edir. Bu da təhqiqatın obyektiv olmadığının daha bir sübutudur.
Polisin villa sahibinə «şəxsi həyata qəsd etdiklərinə» görə jurnalistlərlə hesablaşmaq tövsiyyəsi barədə isə danışmağa belə dəyməz.
«Ötən il Konstitusiyaya, daha sonra isə qanunvericiliyə düzəlişlər edildikdə, şəxsin icazəsi olmadan foto və videoçəkilişinin aparılmasına yol verilməməsi haqda normalar tətbiq edildikdə, bundan jurnalistlərə qarşı istifadə ediləcəyi barədə narahatlıqlar ifadə olunmuşdu. Həmin vaxt hakimiyyət bunun baş verməyəcəyinə inandırırdı. Lakin indi aydın görünür ki,bu, məhz jurnalistlərin fəaliyyətinin məhdudlaşdırılması üçün edilib», deyə Ağaliyev bildirib.
* «Yeni Müsavat» qəzetinin müxbiri Elmin Bədəlov və «Milli Yol» qəzetinin redaktor müavini Anar Gəraylı iyulun 28-də «Şimal DRES» qəsəbəsində «varlılar məhəlləsində» yerləşən villaların fotoşəklini çəkərkən amansızca döyülüblər. -06B-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz