Bakı/06.09.18/Turan: Qarabağ Komitəsi sentyabrın 29-da "Qarabağa azadlıq!", "Köçkünləri yurdlarına qaytarın!" şüarları ilə Bakıda İnşaatçılar metro stansiyasının yaxınlığındakı "Məhsul" stadionunda mitinq keçirmək haqda qərar qəbul edib. Bu barədə Turan-a Qarabağ Komitəsinin üzvü, Qarabağ Azadlıq Təşkilatının rəhbəri Akif Nağı bildirib.
Onun sözlərinə görə, mitinqin keçirilməsi ilə bağlı sentyabrın 12-də qanunvericiliyə müvafiq olaraq Bakı Şəhər İcra Hakimiyyətinə müraciət ediləcək.
Qarabağ Komitəsi iki ay öncə təsis edilib. Komitəyə Klassik Xalq Cəbhəsi, Müsavat, Milliyətçi Hərəkat, İslam, Xalq, Ağ, Vətəndaş Həmrəyliyi, Mili Demokrat partiyaları, Qarabağ Azadlıq Təşkilatı, Qərbi Azərbaycana Qayıdış İctimai Birliyi, Qarabağ Qaziləri təşkilatı daxildir.
Komitənin məqsədi Qarabağ probleminin daim ictimai diqqətdə saxlanılmasıdır. Komitə bunun üçün mütəmadi olaraq mitinqlər, yürüşlər, elmi konfranslar, sərgilər və digər ictimai tədbirlər keçirməyi planlaşdırır. -03B-
Siyasət
-
Noyabrın 15-də Böyük Britanıyanın paytaxtı Londonda keçirilən təntənəli mərasimdə professor Qubad İbadoğlunun qızı Jalə Bayramova Sergey Maqnitski adına Qlobal İnsan Haqları Mükafatına layiq görülüb. O, atasının adından vəkilliyinə görə “Görkəmli Gənc Hüquq Müdafiəçisi” mükafatı ilə təltif edilib. Gənc hüquq müdafiəçisi Jalə Bayramova Qlobal Maqnistki Mükafatına layıq görülən ilk azərbaycanlıdır.
-
Noyabrın 15-də zoomüdafiəçi Kamran Məmmədli COP29 iqlim konfransı ərazisində etiraz aksiyası keçirərkən saxlanılıb. O, küçə itlərinin vurulmasına etiraz edib.
-
"Abzas Media"nın həbsdə olan jurnalistlərin təzyiqə məruz qaldıqları bildirilir. Jurnalistlərin yaxınlarının məlumatına görə, Nərgiz Absalamova saxlandığı 1 saylı Bakı İstintaq Təcridxanasında noyabrın 14-də nəzarətçi tərəfindən təhqirə məruz qalıb.
-
Noyabrın 15-də Tbilisi Şəhər Məhkəməsi Azərbaycanın Azel.Tv saytının rəhbəri Əfqan Sadıqovun Gürcüstanda siyasi sığınacaq almaq müraciətinə imtina cavabı ilə bağlı şikayətinə mahiyyəti üzrə baxıb.
Rəy yaz