Bakı /29.09.17/Turan: Azərbaycanda ölkənin işğal edilmiş ərazilərinə qanunsuz səfər edən bir qrup Türkiyə vətəndaşına qarşı cinayət işi açılıb. Bu barədə Baş Prokurorluğun 28 sentyabr tarixli məlumatında bildirilir.
Mənbənin məlumatına görə, sentyabrın 22-də Ufuk Uras, Əli Bayramoğlu, Səid Çekinoğlu və Erol Qatırçıoğlu erməni tərəfi ilə əlbir olaraq Azərbaycan hakimiyyətinin razılığı olmadan qanunsuz olaraq Dağlıq Qarabağa səfər ediblər.
Baş Prokurorluğun Ağır Cinayətlər İdarəsi CM-in 318.2-ci maddəsilə (Azərbaycanın dövlət sərhəddini qanunsuz keçmə) cinayət işi qaldırıb.
Həmin şəxslərin barəsində həbs qətimkan tədbiri seçilib. Onların barəsində dövlətlərarası axtarış elan edilib.
Onların tutulması və istintaqa cəlb edilməsi üçün Türkiyənin hüquq-mühafizə orqanlarına müraciət göndərilib.
Xatırladaq ki, sözügedən şəxslər Qarabağ separatçılarının rəhbərliyilə görüşüb. Missiyanın məqsədi açıqlanmır. Ancaq nümayəndə heyətinin tərkibində etnik ermənilərin olduğu ehtimal edilir.
Türkiyə XİN və digər rəsmi qurumlar hələlik vəziyyəti şərh etməyiblər.-02D-
Siyasət
-
Dekabrın 23-də Bakı Ağır Cinayətlər Məhkəməsində "Kanal-11" YouTube resursunun rəhbəri Teymur Kərimovun işi üzrə proses davam edib. O, hədə yoluyla tələb etməkdə ittiham olunur.
-
Mossad (İsrailin xarici kəşfiyyat xidməti) rəhbəri David Barnea ölkənin siyasi rəhbərliyinə tövsiyə edib ki, husilərə yox, İrana zərbə endirsin, dekabrın 22-də Ynet bildirib.
-
Bazar ertəsi Azərbaycanın xarici işlər naziri Ceyhun Bayramov Serbiyaya işgüzar səfərə gedib.
-
Bakıda Dini Qurumlarla İş üzrə Dövlət Komitəsinin təşəbbüsü ilə Azərbaycan Din Xadimlərinin Forumu keçirilir. Forum “Dini maarifləndirmənin aktual məsələləri: ənənə, təcrübə və perspektivlər” mövzusuna həsr edilib.
Rəy yaz