представитель МИД РФ Мария Захарова
Bakı/16.02.18/Turan: İlham Əliyevin hakim partiyanın qurultayında səsləndirdiyi fikirlər gərginliyin azalmasına şərait yaratmır. Bu barədə RF XİN-in rəsmi nümayəndəsi Mariya Zaxarova fevralın 15-də keçirilən brifinqdə Əliyevin Yerevan və Zəngəzurun tarixi Azərbaycan əraziləri olduğu və tarixi torpaqların qaytarılmasının Azərbaycanın strateji hədəfi olduğu barədə bəyanatını şərh edərkən bildirib.
"Moskvada, əlbəttə ki, Azərbaycan prezidenti İ.H.Əliyevin hakim partiyanın qurultayındakı çıxışı haqqında məlumatları görüblər. Yaxşı bilirik ki, Azərbaycanın qonşu Ermənistanla münasibətləri həddindən artıq gərgindir. Sözügedən ifadə açıq-aşkar gərginliyin azalmasına şərait yaratmır", deyə Zaxarova bildirib.
Bu şərh Bakının cavab reaksiyasına səbəb olub və bu gün Azərbaycan XİN-in mətbuat katibi Hikmət Hacıyev bildirib ki, Zaxarovanın sözləri Bakıda "anlaşılmazlıq" doğurub.
Ölkələrimiz arasında strateji tərəfdaşlığı nəzərə alaraq, dövlət başçısının bəyanatına bu cür münasibəti "yanlış hesab edirik", deyə Hacıyev bildirib.
"Azərbaycan prezidenti tarixi torpaqların qaytarılmasından deyil, Azərbaycanlıların öz tarixi torpaqlarına qaytarılmasından danışıb", deyə Azərbaycan XİN-in şərhində bildirilir. -02D-
Siyasət
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
-
Cümə axşamı Azərbaycan prezidentinin köməkçisi Hikmət Hacıyev Bakının Ermənistan-Azərbaycan sərhədində Avropa İttifaqının müşahidəçi missiyasının fəaliyyətinin dayandırılması zərurəti haqqında tələbini təkrar edib.
-
Dekabrın 12-də Azərbaycan müdafiə naziri Zakir Həsənov Türkiyə Hərbi Hava Qüvvələrinin komandanı ordu generalı Ziya Cemal Kadıoğlunun rəhbərlik etdiyi nümayəndə heyətini qəbul edib.
Rəy yaz