SMDT seçkilərin demokratik, azad və ədalətli olmadığı haqqında rəy verib

Seçkilərin Monitorinqi və Demokartiyanın Tədrisi Mərkəzi (SMDTM) prezident seçkilərinin nəticələrinə dair cümə axşamı “Park.İNN” otelində mətbuat konfransı keçirib.

Qurumun icraçı direktoru Bəşir Süleymanlı seçki prosesinin izlənməsi üçün həm uzun həm də, qısamüddətli müşahidə həyata keçirdiklərini söyləyib. Bu məqsədlə 978 könüllü təlimçi hazırlanıb. Təlimçilərin hazırlığı mərhələsində SMDT-yə problemlər yaradılıb. Qəbələ, Şəki, Qubada təlimlərin keçirilməsinə imkan verilməyib. Qurumun hazırladığı müşahidəçilər sırasından 150 nəfər müşahidələrə buraxılmayıb. 

Qurumun rəhbəri Anar Məmmədli namizədlərin qeydə alınması, namizədlərin təbliğatı, səsvermə mərhələsindəki pozuntulara toxunub. O, seçki prosesinin heç bir mərəhələsində bərabərtərəfliliyin, ədalətliliyin təmin olunmadığını söyləyib. Ölkənin seçkilərə insan azadlıqlarının, ifadə azadlığının təmin edilməməsi, çoxsaylı siyasi məhbuslar, siyasi fəallara təzyqilər olması faktları ilə daxil olduğunu vurğulanıb. Ümumilikdə isə 2013-cü ilin prezident seçkilərindəki pozuntların 2010-cu ilin parlament seçkilərilə müqayisədə daha acınacaqlı olduğu bildirilir.   

Qurum təsadüfi seçmə yolu ilə 769 seçki məntəqəsində müşahidələr aparıb ki, bu da bütün ölkə məntəqələrinin 15%-i deməkdir. Həmin məntəqələr bütün ölkə ərazisində olub. Müşahidə aparılan məntəqələrin 19%-də seçici sayı elan olunmayıb, 17%-də bülletenlərin sayı haqda məlumat verilməyib, 26%-də seçki məntəqəsindən kənarda səsvermə sayı açıqlanmayıb, 44%-də səsvermənin gizliliyi pozulub, 39%-də təhrikçilər namizədlərə səsvermə təbliğatlı aparıb. Belə halların səsvermənin nəticələrinin reallığına ciddi şübhələr yaratdığı nəzərə çatdırılıb. 

Protokolların əldə olunması ilə bağlı prosesin davam etdiyini deyən A.Məmmədli bu mərhələdə 141 seçki məntəqəsində protokollaırn düzgün tərtib olunmadığını qeyd edib. Məntəqələrin 8%-də səslərin sayılması şəffaf olmayıb, 205-də yekun nəticələr açılmayıb, 38%-də “karusel” əməliyyatı qeydə alınıb. 

Mərkəzi Seçki Komissiyasının seçki fəallığı ilə bağlı bu fəallığın 70%-ə yaxın olması haqda rəqəmlərin reallığına şübhə ifadə edilib, bu rəqəmlər fantastik adlandırılıb. A.Məmmədli buna həm də “ciddi rəqəm yanlışlığı” rəyi verib. Bu rəqəmlərin gələcəkdə MSK-ya ciddi problemlər yaradacığını xatıraldıb. O qeyd edib ki, ən yüksək seçici fəallığı olan 2003-cü ilin prezident seçkilərində belə fəallıq 60%-dən yüksək olmayıb. İndiki seçkilərdə bu fəallıq 50%-dən çox olmayıb. 

Bütün bu təhlillərin yekunu olaraq SMDT bu seçkilərə azad, demokratik, ədalətli, nəticələrin reallığa uyğun olmaması rəyi verib. -05C-