Bakı/06.09.18/Turan: Sentyabrın 15-də "Azadlıq" meydanında Bakının Bakı Xalq Komissarları Sovetinin daşnak (erməni) və bolşevik-eser silahlı qüvvələrindən azad edilməsinin 100 illiyinə həsr olunan hərbi parad keçiriləcək. Bu qüvvələr Bakıda və Azərbaycanın digər bölgələrində müsəlman əhaliyə qarşı kütləvi qırğınlar törədiblər.
1918-ci il sentyabrın 15-də türkiyəli general Nuru Paşanın rəhbərlik etdiyi Qafqaz ordusu Azərbaycan milli ordusu ilə birlikdə amansız döyüşlər zamanı erməni-rus hərbi hissələrini şəhərdən çıxararaq müsəlmanların məhv edilməsinə son qoyub.
Sentyabrın 5-də Bakıda və paytaxt ətrafında paradla əlaqədar məşqlər keçirilib. Paradın əsas iştirakçıları Azərbaycan Sərhəd Xidmətinin süvari bölmələridir. Onlar 100 illik tarixi olan Azərbaycan və Türkiyə hərbi formasında marş altında "Azadlıq" meydanında keçəcəklər. Paradda Müdafiə Nazirliyinin hərbi orkestri də iştirak edəcək.
Türkiyəli Nuru Paşa həm də Şərqi Asiyada antisovet silahlı hərəkatının (sovet təbliğatı tərəfindən "basmaçılar" adlandırılıb) təşkilatçısı və komandiri olub. Mərkəzi Asiyada Nuru Paşanın adı hörmətlə anılır.
Zaman-zaman Azərbaycan ictimaiyyətində görkəmli türkiyəli hərbçiyə abidə ucaldılması məsələsi qaldırılır. 2012-ci ilin iyununda Türkiyənin Bakıdakı səfirliyinin ərazisində Nuru Paşanın abidəsi qoyulub.0-
Siyasət
-
2025-ci il fevralın 6-da Ukrayna ilə Azərbaycan Respublikası arasında diplomatik əlaqələrin qurulmasının 33-cü ildönümü tamam olur. Bununla əlaqədar Ukraynanın Bakıdakı səfiri Pavel Qusev facebook səhifəsində məqalə dərc edib.
-
Son günlər Azərbaycanda jurnalistlərin həbsi siyasi və ictimai xadimlərin tənqidlərinə səbəb olub.
-
USAID-in ölkədə fəaliyyət göstərməsi üçün hüquqi əsas olmadığı və fəaliyyətini dayandırmalı olduğu barədə bildiriş ABŞ tərəfinə rəsmən göndərilib.
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
Rəy yaz