Türkiyə və Azərbaycan hərbi əməkdaşlığı möhkəmləndirməyə davam edəcəklər

Bakı/28.09.17/Turan: Azərbaycan-Türkiyə birgə hərbi təlimləri sülhü və sabitliyi möhkəmləndirir, deyə bu gün prezident İlham Əliyev Türkiyənin müdafiə naziri Nurəddin Caniklini qəbul edərkən bildirib. O, həmçinin müdafiə sənayesi sahəsində əməkdaşlığın genişləndirilməsinin əhəmiyyətini qeyd edib.

Öz növbəsində, Türkiyəli nazir qeyd edib ki, hərbi məhsulların birgə istehsalı həddindən artıq vacibdir. Buna görə biz birgə silah istehsalını inkişaf etdirməliyik", deyə Canikli bildirib.

Görüşdən sonra jurnalistlərlə söhbət zamanı Canikli deyib ki, Dağlıq Qarabağın işğalına son qoymaq lazımdır."Bu, Azərbaycan torpaqlarıdır və gec və ya tez erməni işğalına son qoyulacaq. Bunun üçün biz güclü olmalı və öz silah sistemimizi inkişaf etdirməliyik", deyə o qeyd edib.

Hazırda keçirilən birgə hərbi təlimlərə gəlincə, Türkiyəli nazir qeyd edib ki, bu təlimlərin sayı artırılacaq.

Xatıladaq ki, Canikli Azərbaycan və Türkiyə Silahlı Qüvvələrinin "TurAz Qartalı - 2017" birgə təlimlərinin bağlanış mərasimində iştirak edəcək. -02D-