![Ukrayna, Gürcüstan və Moldova DCFTA imzalayacaqlar](https://turan.az/resized/media/2014/main/060400080609-750-500-resize.webp)
Ukrayna, Gürcüstan və Moldova DCFTA imzalayacaqlar
İyunun 27-də Brüsseldə Moldovanın dövlət və hökumət başçılarının iştirakı ilə Aİ-nin ekstren iclasında Ukrayna, Gürcüstan və Moldova Aİ ilə geniş və hərtərəfli ticarət haqqında saziş (DCFTA) imzalayacaqlar. Bu barədə qərb KİV-i bildirir.
Hazırda sammitə intensiv hazırlıq gedir. Bunu Kiyevdə xarici işlər naziri Karl Bildt bildirib. O qeyd edib ki, Ukraynanın paytaxtında keçirilən DCFTA konfransı bu sazişin mahiyyətinin açılmasına və sənədin “Şərq tərəfdaşlığı” ölkələrinin suverenliyinə təhlükə olması barədə Rusiyanın iftiralarının rədd edilməsinə yönəlib.
Bildt razılıqla qeyd edib ki, Ukraynanın yeni hökuməti sazişin imzalanmasına əngəl törədən məsələləri ardıcıl olaraq aradan qaldırır.
Eyni zamanda İsveç XİN rəhbəri bildirib ki, Ermənistanın Gömrük İttifaqına qoşulması barədə qərarı ilə əlaqədar bu ölkə ilə danışıqlar dayandırılıb.
“Şərq tərərdaşlığı”na daxil olan altı ölkədən Ermənistanla yanaşı Azərbaycan və Belarus da DCFTA-ya qoşulmağa hazır deyil. Sonuncu Gömrük İttifaqına daxil olub. Rəsmi Bakı isə bildirib ki, danışıqlar aparmağa hazır deyil, çünki Aİ ilə assosiasiya haqqında saziş imzalayan ölkələrdən fərqli olaraq ÜTT-nin üzvü deyil
“Geniş və hərtərəfli azad ticarət zonasının yaradılması haqda sazişin imzalanması “Şərq tərəfdaşlığı” ölkələri üçün yeni iqtisadi imkanlar açacaq, ticarət sahəsində tənzimləyici islahatların, Avropa standart və tələblərinin tətbiqi sayəsində onların buraxdıqları məhsulların rəqabət qabiliyyətinin artırılmasına şərait yaradacaq”, - Aİ-nin ticarət üzrə baş direktorluğunun rəhbər müavini Peter Balaş bildirib.
“Həmçinin saziş nəhəng Aİ bazarına məhsul ixracının həcmunun artırılmasına, yeni iş yerlərinin yaradılmasına, investisiya cəlbediciliyinin artırılması ilə bu ölkələrə yeni xarici investorların cəlb olunmasına imkan yaradacaq”, - o vurğulayıb.
“Şərq tərəfdaşlığı” ölkələrinin statistikası göstərir ki, onların xarici ticarətinin böyük hissəsi avrozonanın payına düşür.
Məsələn, hazırda Moldova xarici iqtisadi dövriyyəsinin 45%-i Aİ-nin payına düşür. Aİ və Azərbaycan arasında əmtəə dövriyyəsinin həcmi də o qədərdir.
Bundan əvvəl Avropa Komissiyasının qonşuluq siyasəti üzrə üzvü Ştefan Füle bildirmişdi ki, DCFTA üzrə təhlükəsiz və hüquqi mühitin yaradılması hüququn aliliyinin möhkəmləndirilməsi və ümumi dəyərlər də daxil olmaqla demokratik institutların konsolidasiyası ilə bağlıdır.—0—
-
- Siyasət
- 4 İyun 2014 19:42
-
- İqtisadiyyat
- 5 İyun 2014 11:47
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz