XİN: Azərbaycan İraqın Kürdüstan regional vilayətində keçirilmiş referendumun nəticələrini tanımır
Bakı/29.09.17/Turan: İraq Kürdüstanının müstəqilliyi ilə bağlı referendumun keçirilməsindən dörd gün sonra Azərbaycan XİN bu məsələyə münasibətini bildirib.
Azərbaycan XİN-in rəsmi nümayəndəsi Hikmət Hacıyev KİV nümayəndələrini sorğusuna cavab olaraq bildirib ki, Azərbaycan İraq Respublikasının ərazi bütövlüyü və suverenliyini tanıyır və tam şəkildə dəstəkləyir.
Azərbaycan İraqın mərkəzi hakimiyyəti və Kürdüstan regional vilayəti arasında məsələlərin sülh yolu ilə qarşılıqlı anlaşma və dialoq şəraitində İraqın ərazi bütövlüyü və suverenliyi çərçivəsində həllinə tərəfdardır.
İraqın Kürdüstan regional vilayətində referendumu İraq özü, Türkiyə və İran dərhal və qəti şəkildə pisləyərək müstəqil Kürdüstan dövlətinin yaradılmasına imkan verməyəcəklərini bəyan ediblər. ABŞ, Avropa İttifaqı, Rusiya və dünya birliyinin digər üzvləri referendumu tanımadıqlarını bəyan ediblər.--06D--
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz