3 GÜNDÜR SALYAN ZÜLMƏT VƏ INFORMASIYA BLOKADASI IÇINDƏDIR

Prezident Saylanı zülmətə qərq etmək barədə fərman verib, yoxsa Mingəçevir SES-i dağılıb?
Ayın 25-de cümə günü gecəden heç bir nə rəsmi, nə qeyri rəsmi xəbərdarlıq olmadan söndürülən işıqlar baraz ertesi axşama qədər də yanmadı. Salyan 4 gündür ki, zülmət içindədir. Və ən əsası da budur ki, bunun sonu görünmür.
Elektrik enerjisinin əhalinin borclarına görə kəsildiyini bildirən Saylan rayon elektrik şəbəkəsinin əməkdaşları borcu olan abunəçilərin işıqlarını ayrı yarılıqda kəsməklə özlərinə əziyyət vermədən rayonun rəhbər şəxslərinin yaşadığı küçələrdən savayı bütün rayonu və yaxın qəsəbələri işıqsız qoyublar. `Salyan stansiyası` qəsəbəsində 20 Yanvar küçəsində də eyni vəziyyətdir. Dörd gündür ki, elektrik enerjisi burda da yoxdur. Telefonlar isə ATS-lərə enerji verilmədiyindən bazar günündən etibarən işləmir. Mobil telefonların akumlyatorları tükünib. Və əhali beləliklə ətraf aləmdən tam təcrid olunmuş vəziyyətə salınıb.
4 gündür ki, Salyan camaatı ölkədə baş verən hadisələrdən xəbər tuta bilmir. Bu da müəyyən şaiyələrin yaranmasına səbəb olur. Əhali arasında artın Mingeçevir SES-nin yağışlar və daşqın nəticəsində sıradan çıxması, `Mingeçivir dənizi`ndə bəndlərin dağılması və yaxın saatlarda Saylanı su basacağı böradə şaiyələrdən tutmuş, eletrik enerjisinin Salyana verilməsinin qarşısının Prezidentin fərmanı ilə alındığına qədər müxtəlif versiyalar dolaşır.
Sakinlərin müqəddəs Ramazan bayramı münasibəti ilə kəsib qonum - qonşuya payladıqlar qurban ətləri işləməyən soyuducularda iylənməkdə, itə pişiyə qismət olmaqdalır.
Rayonun elektrik şəbəkəsinin əməkdaşları şəbəkəyə borcu olmayan abunəçilərin haqlı şikayətlərinə məhəl qoymur, borcu oldu, olmadı bütün abunəçilərin bütöv küçələrlə, qəsəbələrlə tam şəkildə borcu olan abunəçilərlə birgə cərayandan ayrılmasını rəhbərliyin qərarı olması ilə izah edirlər. Onların sözlərinə görə borcu olmayan abunəçilər borclulardan eletrik şəbəkəsinə olan borcu ödəməyi tələb edərək, əslində eletrik şəbəkəsinin və məhkəmənin funksiyasının yerinə yetirməli, və yalnız buna nail olduqdan, borclar tam ödənildikdən sonra, eletrik enerjisinin verilməsini şəbəkədən tələb etməlidirlər. Bu məqtiqin rayonun hansı dahiyanə və müdrik rəhbərin onurğa beyin süzgəcindən bəhrələndiyi isə sirr olaraq qalır.
Rayon rəhbərliyin və elektrik enerjisi şəbəkəsinin rəhbərliyinin qərarının hansı qanuna, nazirlər kabinetinin hansı qərarına, milli məclisin hansı qanun düzəlişinə, prezidentin hansı fərmanına və nəhayət hansı məhkəmənin hasnı hökmünə əsaslandırıldığını izah etmək onların - bu gözəl qərarın müəlliflərinin özlərinin belə öhdəsindən gələ bilməyəcəyi mürəccəd teoreme çevrilib. Qanunsuzluq, özbaşınalıq, dərə xəlvət - tülkü bəy prinsipi, və nəhayət ən sadə və sağlam düşüncəyə sıxmayan qərarların "dahiyənə", "müdrik" müəlliflərinin unikal onurğa beyinlərində indi daha hansı gün üzü görməmiş `müdkir` qərarlar hamiləlik dövrünü keçirdiyi də məlum deyil. Amma ilan vuran ala çatıdan qorxar prinsipi ilə, əhali bu yaxınlarda onsuz da zorla işaran qaz plitələrin də sönəcəyindən, telefonların həmişəlik bağlanacağından, əhalisinin yarısı Kürün təmizlənməmiş suyunu arxlardan içməli su kimi istifadə etməyə məcbur rayonun Salyanın su arxlarının da qurudulacağından qorxurlar.
Və bütün bunlar 21 ərsin inkişaf edən, sivilləşməyə can atdığını bəyanlayan, dünyada bu imici qazanmağa çalışan Azərbaycanında, özü də ucqar bir dağ kəndində yox, Bakıdan iki satlıq bir məsafədə baş verir.
Enerji şəbəkəsinin özlərini təqdim etməkdən imtina edən əməkdaşları isə (adsız da özünün bilirsiniz, dəyirmanda xoruz olur, elektrik şəbəkəsində növbətçi yox) haqlı şikayətlərini təmin etməkdən imtina edərək sadəcə şikayətləri qulaq ardına vururlar. `Kimə istəyirsiz şikayət edin, onsuz da baxan olmayacaq!` `Rayonun yiyəsi deyib.` kimi ifadələrlə əhalinin ümidini, inamını daha da qırılar. Sakinlər arasında isə şikayət etməyə çağırışlar bu cür məyus cavablarla qarşılanır - `Dövlət yoxdu, kimə şikayət edək?` `Yiyəsiz ölkədir, kim nə istəyir eləyir!`
İndiki zamanda gəlişi gözəl söz kimi səslənsə də, əslində doğrudan da xaqla xidmət - məhz xidmət etməli, fəaliyyətinin mahiyyəti - XİDMƏTÇİLİK OLAN amma nəticədə rayon camaatı arasında hakimiyyətə qarşı inamsızlığına şüurlu şəkildə, bilərəkdən yol açan, yetişdirən, pöhrələndirən yerli məmurlar, Salyan rayon rəhbərliyi, Enerji şəbəkəsinin məsul şəxsləri nəyə nail olmaq istəyirlər, kimə işləyirlər əslində sual olaraq qalır.
Bu şəxslərə dərs demək fikrim yoxdu, qırxında öyrənən harda çalar, o da məlumdu, sadəcə məlumat üçün deyirəm ki, Azərbaycanın özünü oxşatmağa çalışdığı ölkələrdə bu kimi məsələlər ADAM KİMİ həll olunur qardaşım, əvvəlcə borcluya rəsmi xəbərdarlıq edilir ki, filan tarixə qədər borc ödənilməsə şəbəkədən ayrılacaqsınız, işdi əgər borclu göstərilən tarixə qədər (adətən bir ay) borcunu ödəməsə, bax onda şəbəkədən ayrılır və iş göndərilir məhkəməyə ki, borcludan bu məbləğ məcburi qaydada tutulsun. Və onu buna məhkəmə məcbur edir, QONŞULAR YOX! Bu normal dövlətlərin, normal rəhbərlərin olduğu əyalətlərlərə baş verir, donqili rəhbərləri olan əlayətlərdə isə yuxarıdakı həngamə törənir.
Yeri gəlmişdək, artıq iki gündür ki, Salyan rayon enerji şəbəkəsinin növbətçi telefonu daha zənglərə cavab da vermir. Yəni rus demişkən "idite na..."
Özünüz də yoxlaya bilərsiniz + 994-163-5-36-19.
Xahiş edirik, bu məlumatı dərc edəsiniz, bəlkə rayon rəhbərliyi bundan sonra, əsas vəzifəsinin VƏZİFƏ YOX, QULLUQ olduğunu yadına sala, vəziyyətdən çıxış üçün, tədbirlər görə. Yoxsa rayon əhalisi arasında onsuz da vətəndaşları xoşbəxt, inkişaf edən, iqtisadiyyatı güclənən ölkənin vətəndaşlarına heç oxşamayan, paltarları ütüsüz, üz-gözlərini tük basmış, bədbin və ümidsiz insanları sayı həndəsi silsilə ilə artacaq. Əgər bu planlı şəkildə və"Yeni Azərbaycan vətəndaşının müasir obrazı" dövlət proqramı çərçivəsində həyata keçirilmirsə, onda qarşısını almaq pis olmazdı.

UĞUR FATEH