![BIR TU�](https://turan.az/resized/./turan-750-500-resize.webp)
Bu bayraq məsələsi lap baş-beynimizi aparıb. Yaxşı ki, Türkiyə ilə "bayraq məsələsi"ni yoluna qoyduq. Indi Şimal qonşuvuz olan Urusyətdə bayraq problemi yaşanmaqdadır. Deməli, Urusyətin paytaxtı Moskovada gənclərlə bağlı tədbir keçirilib. Bülbülün oğlu Poladın da iştirak etdiyi tədbirdə Azərbaycan bayrağı baş-ayaq asılıbmış. Bu hadisəylə bağlı olaraq, indi hamı Bülbülün oğlu Poladı qınayır, qabırğasına döşəyir. Amma mən heç zad demirəm. Nə demək olar? Adam bayrağı tanımır, tanısaydı düzəldərdi. Sadəcə müğənnidən səfir düzəldəndə fikirləşmək lazım idi ki, bu adam bayraq-mayraq bilmir. Indi bəzi xalası göyçəklər, hökumətə "Nota ver..." deyəcəklər. Hökumət də nota varsə, Polad Bülbüloğlu elə zənn edəcək ki, hökumət Kreml Sarayında mahnı ifa etmək üçün NOT göndərib. Voobşe Polad Bülbüloğlunun yerinə müğənni Manaf Ağayevi səfir göndərmək lazımdır. ANS-də keçirilən "Toylar Kralı"nın təcrübəsi göstərir ki, Manaf Ağayevin topladığı 1 milyon sms-in 90 faizi Urusyətdən gəlib. Yadınızdadırsa, Türkiyə-Azərbaycan bayraq "problemi" zamanı əlahəzrət Hacıbala Abutalıbov laqondanısını əlinə götürüb, Şəhidlər Xiyabanında türk şəhidlərinin xatirəsinə ucaldılan bayraqların dəmir dirəklərini kəsmişdi. Hacıbala müəllimə nə var ey, "nervinniy" adamdır. Indi də cin vurar təpəsinə, götürüb Puşkinin heykəlini başıaşağı qoyar, saqqalını qırxar. Nə bilim, "Yesenin" bağındakı ağacların dibinə kislota, neft töküb qurudar. Xırda kolları, qazonları kökündən çıxardıb satar. Pis çıxmasın, bayraq məsələsində bizim xeyli təcrübəmiz var. Türkiyə ilə olanları yadınıza salın. Siyasi aləm QATışmışdı bir-birinə. Hərə bir şey danışırdı. Hər yerindən duran aksiya keçirirdi, bəyanat verirdi. Gücləri Türkiyəyə çatanlar indi heç "mık" da etmirlər. Hamısı qaçıb gizlənib. Hardasız ay bayraqsevərlər? Hardasız ay bayraq müdafiəçiləri? Türkün dönərindən yeyib, serialına baxıb, Ərdoğanın üstünə "xod" getməyə nə var? Ayı kimi olan Medvedevin üstünə də gedin da bə. Qəribədir ey... Ümumiyyətlə Polad Bülbüloğlunun, Hacıbala müəllimin işi, ağırdır. Ən yaxşı iş MıTıRıŞ-ın işidir. Ramiz Mehdiyevin televiziya kanalları haqqında yazdığı yazı, Nurşirəvan müəllimə 30 illik televiziyaları tənqid etmək hüququ qazandırıb. Indi Nuşirəvan müəllim, oruc tutub, namaz qılıb, ancaq televiziyalardakı vəziyyətdən danışır: "Onlara müəyyən tövsiyələr verilib. Verilişlərdə bayağılıq, şitlik, sünilik aradan qalxmalıdır. Verilişlərə çağırılan adamlar diqqətlə seçilməlidir. Hər bir insan efirə çıxarılmamalıdır. Efirdə yalnız örnək ola biləcək insanlara yer verilməlidir. Telekanallar normal azərbaycanlı imici yaratmaq üçün öz üzərinə düşən işi görməlidirlər". Ay maşallah... Sonuncu cümləyə fikir verin: "Telekanallar normal azərbaycanlı imici..." Respublika Gigiyena və Epidemiologiya Mərkəzi də orta məktəblərdə "donuz qripi"nə qarşı qabaqlayıcı tədbirlərə başlayıb. Qurumun sarı rəngdə qoruyucu geyimlər geyinən "Cücələrim" dezinfeksiya ansamblı öz işini uğurla davam etdirir. Bir tuş...
-
- Söz istəyirəm
- 5 Aprel 2009 18:18
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz