Elmar Məmmədyarovun xarici işlər naziri vəzifəsində qalması ehtimalı kəskin şəkildə azalıb

Qeyri-adi bir şey baş verib: “qara geyimlilər” gözlənilmədən və dəvətsiz şəkildə Azərbaycan XİN-ə doluşublar. Bu oğlanlar dəfələrlə yerli, rayon icra hakimiyyəti orqanlarının və digər nazirlərin mərkəzi aparatlarının məmurlarına “qonaq” gəliblər. Dünyada Azərbaycanın təcəssümü olan XİN-dən isə “qara geyimlilər” yan keçirdilər, baxmayaraq ki, indi məlum olduğuna görə, onların orada görünmək üçün kifayət qədər səbəbləri var idi. Amma, deməli, ən yüksək səviyyədə əmr yox idi.

2020-ci il iyulun 3-də Dövlət Təhlükəsizliyi Xidməti Azərbaycan xarici işlər nazirlərinin məmurları Fərhad Mollazadə, Səlim Əlizadə və Nurupaşa Abdullayevi səlahiyyətlərindən sui-istifadə, mənimsəmə və rüşvət alma ittihamları ilə həbs edib. Bu barədə DTX-nin rəsmi saytında yer alan məlumatda deyilir.

Yaxın keçmiş aylarda mətbuatımızda xarici işlər naziri Məmmədyarovun oğullarının Nyu-Yorkda milyonlarla dollarlıq mənzillər almasının sənədli dəlilləri yayılmışdı. Əlbəttə, bəziləri nazir Məmmədyarovun ailəsinin cənab Elmar Məmmədyarov və oğullarının yolda gedərkən içərisində pul olan bir bağlama tapdıqları haqqında versiyasına inanır. Amma ictimaiyyətdə Nyu-Yorkda mənzil alınması üçün xərclənən vəsaitin mənbəyi ilə bağlı başqa versiyalar da var və buna görə XİN-in mətbuat katibi Leyla Abdullayeva nazirin ailəsi haqqında heç nə bilmədiyini deyib, XİN isə Dövlət Təhlükəsizliyi Xidmətindən nazirliyi qəzəbli hücumlardan qorumağı xahiş edir.

DTX XİN-in mərkəzi aparatının üç məmurunu həbs etməklə öz ampluasında nazirliyi qoruyub.

XİN-də üç nəfər korrupsiyaya görə həbs edilib. Onların oğurluq etdiyi bildirilmir, amma cəmiyyət XİN-də konsul və səfir vəzifələrinə təyinatlar, rüşvət verdikdən sonra oraya işə qəbul haqqında bilir. Məbləği də açıqlayırlar. Bu korrupsiya mənbəyi ən ağlabatan mənbədir, baxmayaraq ki, istənilən nazirlikdə cibi pulla doldurmaq olar. Məsələn, binanın təmiri üçün, kompüter texnikasının alınması üçün, xidməti avtomobillərin alınması üçün və s. Sonuncu dəfə bu, 2020-ci il martın 5-də, XİN avadanlıq və proqram təminatı alınmasına tender elan etdiyi zaman olub.

SSRİ dövründə XİN-in binası (həmin vaxt orada başqa dövlət idarəsi yerləşirdi) gözəl idi. Sonra təmtəraq bəxş etmək üçün onun divarlarına kobud fiqurlu plitələr yapışdırdılar. Yöndəmsiz alındı, amma bu işdə çox böyük miqdarda pul yumaq olar. Özü də saxlanılanlardan biri XİN-də tender komissiyasının sədri idi.

Bu, hələ hamısı deyil. Bəlkə də, deyilənlərdən çıxan nəticə başqadır, onda əsl müsibət olar. İndi aydın olduğuna görə, XİN işçilərinin əli də “sadə” vətəndaşlar kimi əyridir. Bəziləri balkonda çətənə yetişdirir,  digərləri zəngin Avropa diplomatlarına fahişələr aparır, bir başqaları XİN-in mal və xidmətlərin alınması üçün (tender) buraxılmış pullarını paylaşdırarkən “şapka” mənimsəyir. XIN-çilər də başqaları kimi oğrudurlarsa, onların dövlət sirlərini satmasına, xarici xidmətlərin Azərbaycanda digər dövlətlərin siyasətinin təşviqi üzrə sifarişlərini yerinə yetirməsinə nə mane olur? Əlbəttə ki, bizim XİN-də öz rüşvətxoruna malik olmaq marağında olan xarici dövlətlər siyahısı kiçikdir. Bu siyahıda mütləq bütün qonşularımız və Azərbaycandan coğrafi cəhətdən uzaqda yerləşən böyük dövlətlər var.

Xahiş edirəm, bu ehtimala görə məni təhqirdə və köpükləri şişirməkdə ittiham etməyin. DTX-nin sələfində - MTN-də qəddar banditlər və başqa dövlətə işləyən casus aşkar edilmiş və zərərsizləşdirilmişdi. XİN-dən nə gözləyək?

Yenə də, başlanğıcı, şübhəsiz, ən yüksək səviyyədə qoyulmuş belə bir hadisədən sonra, Elmar Məmmədyarovun nazir vəzifəsində qalması ehtimalı kəskin şəkildə azalır.

P.S. Şəbəkələrdə XİN-dəki həbslərin müzakirələrində keçmiş DTK podpolkovniki Akif Həsənov və keçmiş xarici işlər naziri Tofiq Zülfüqarov XİN-də “köstəbəklərin” - xarici xüsusi xidmətlərin casuslarının aşkar edilməsi versiyasını irəli sürüblər. A.Həsənov DTX-nin bəyanatında mühüm ifadəyə diqqət çəkir:

“... cəmiyyətin və dövlətin qanunla qorunan maraqlarına böyük ziyan vuran əməllər”.

Dövlətə ziyan vurmaq dövlət cinayətləridir və bu, artıq bayağı büdcə oğurluğu deyil, deyə A.Həsənov qeyd edir.