- Söz istəyirəm
- 28 Fevral 2010, 16:57
- 191
İmam üçün ağlayanda, bir az da Yezid üçün də ağlamaq lazımdır
Məktəbə uşaqların hicabda getməsi nə dərəcədə düzgündür?
Qanuna görə, Azərbaycanda dövlət məktəbləri dünyəvidir və din dövlətdən ayrıdır. Təhsil Nazirlyinin qaydalarına görə, şagirdlər məktəbə məktəbli formasında daxil olmalıdır. Dindarlar isə bunun əleyhinə çıxır.
Hətta bu sahənin başbilənləri yüzlərlə hicablı qadını bir gündə bir yerə toplayıb avropalıların konfrans keçirdiyi Landmark kimi bahalı biznes mərkəzində etiraz konfransı da keçirib.
Nə baş verib?
Bu günlərdə orta məktəblərdən birində birinci sinif şagirdlərindən biri məktəbə hicabda gəlib. Balaca məsum uşaqlar bu qızcığazın hicabına gülüb. Hicablı qız da onlara "Siz hamınız o dünyada cəhənnəm odunda yanacaqsınız" deyərək heyfini çıxıb. Hicablı uşağın sözü rəfiqələrinə bərk təsir edib. Cəhənnəm və onun odu haqqında təsəvvürə malik olmayan balacalar qorxuya düşüb, ağlamağa başlayıblar. Nəhayət, məsələ sinif rəhbəri, məktəb və ailələr səviyyəsinə qədər narahatlıqlara səbəb olub.
Məktəbli uşaqlara hicab lazımdırmı?
Azərbaycan qanunvericiliyinə və dini fəlsəfəyə görə, insanlar yalnız həddi-buluğa çatdıqdan və ictimai münasibətləri dərk etdikdən sonra baxışlarını müəyyən edə bilər.
Məktəb yaşlı uşaqlar isə həddi-buluğa çatmayıb və ictimai münasibətlər sistemi hələ onlar üçün dərkedilməzdir. Bu mənada dini başbilənlərin etiraz toplantısı əslində özü-özünü inkardır. Digər tərəfdən, təhsil nazirinin "şagirdlər məktəbə hicabda buraxılmayacaq", "şagirdlər məktəbə vahid məktəbli formasında gəlməlidir" bəyanatından dərhal sonra bir neçə yüz hicablı qadının bir yerə toplanıb etiraz etməsi daha təhlükəli tendensiyaları üzə çıxarır.
Belə görünür ki, artıq ölkədə dini baxışlı insanlar siyasi etirazlara hazırdır və istənilən anda istənilən çağırışa cavab verə bilər. Çünki, aparıcı siyasi partiyalar belə, yuxarıların tapşırığı olmadan bir neçə yüz adamı bir yerə toplamaq bacarığı nümayiş etdirə bilmir.
Məktəblilərin hicablara bürünməsi dünyəvi məktəb siyasəti ilə yanaşı, dolayısı ilə konstitusiyanın müdafiə etdiyi insan hüquqlarının da pozuntusudur. Məktəbə müsəlman ailələrinin uşaqları məscidin, xrisitan ailələrinin uşaqları kilsənin, yəhudi ailələrinin uşaqları sinaqoqun müəyyən etdiyi qaydaları gətirərsə, təhsil ocaqları dini mübahisə mərkəzinə çevrilə bilər.
Bütün bunlardan qaçmaq üçün ən yaxşı yol vahid məktəbli formasıdır.
Bu forma xoşagələn olmasa da belə, ən yaxşı yoldur.
İctimaiyyətin münasibəti
Dini icmalar və dindarlar "məktəblərdə hicab" şüarını israrla müdafiə edir. Amma, bunun əksinə olaraq, vətəndaş cəmiyyətinin liderləri, hüquq müdafiəçiləri, ziyalılar, hətta hökumət susur. Hökumətin susqunluğu siyasətə qulluq edən media orqanlarının, "iqtidarın çardağı altındakı" ziyalı sayılan ruporların da dilini düyünləyib.
Siyasi partiyaların başı isə cəmiyyətin problemləri fövqündə "özüm seçilim" oyununa qarışıb. Yəqin ki, cəmiyyət bu təhlükəli oyunun təhlükəli zərbələrini görəndə ayılacaq. Necə ki, indi İranda, İraqda, Əfqanıstanda, Pakistanda "fanat bombaları" partlayır.
Amm, ölkənin dini rəhbərləri və dini icması da düşünməlidir. Həddi- buluğa çatmayanları dini fanatizmə məcbur edəndə "cənnət yolunda" özlərini də partladırlar. Ən çox partlayışlar isə məhz insanlara zülm edən məntəqələrdə, siyasi-ideoloji mərkəzlərdə, məscidlərdə, kilsələrdə, - sizin bərqərar olduğunuz yerlərdə baş verir. İraq, Əfqanıstan, İran, Pakistan təcrübəsi və Bakıda Əbu-Bəkr məscidindəki son partayış da buna bir misaldır.
Hər halda dindarların öz dediyi kimi, imam üçün ağlayanda, bir az da yezid üçün ağlamaq lazımdır. Şeyx Nəsrullahlara ziyalılar cavab verməyəndə, kefli İsgəndərlər cavab verir. Amma, deyəsən, bizim cəmiyyətin kefli İsgəndərləri də yoxdur...
Tapdıq Fərhadoğlu
-
- Söz istəyirəm
- 28 Fevral 2010 16:46
-
- Söz istəyirəm
- 1 Mart 2010 18:02
Söz istəyirəm
-
Azərbaycan Respublikasının Prezidenti cənab İlham Əliyevə
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
Rəy yaz