Ukrayna prezidenti Viktor Yanukoviç işə avtomobillə getməkdən imtina etmək və aviasiya nəqliyyatına keçmək niyyətində olduğunu bildirib. Yanukoviçin şəhər üzərində uçuşunun bir saatı dövlətə minlərlə dollara başa gələ bilər. Beləliklə, prezident gündə iki dəfə tıxacda dayanmaq məcburiyyətində qalan insanları bu əzabdan xilas edə bilər. Prezident kortejinin Mejqoryedəki şəhərkənarı iqamətgahından Bankova küçəsindəki administrasiyaya getməsi üçün DYP əməkdaşları demək olar ki, Kiyevin yarısında yolları bağlayırlar. Doğrudur, Yanukoviçin şəhər üzərindən uçuşu ilə bağlı perspektivlər çox dumanlıdır, Ukraynalı jurnalist Alisa Nedelina belə mühakimə yürüdür.
Azərbaycan həqiqətləri ilə müqayisə etsək, vəziyyət, necə deyərlər, "birə birdir". Prezident İlham Əliyevin bir neçə iqamətgahı var - şəhər kənarında da, paytaxt içində də. Hər gün dövlətin birinci şəxsinin işə getməsi və qayıtması üçün paytaxt sakinləri tıxaclarda qalmalı olurlar. Avtomobillərin saysız-hesabsız olduğu Bakı küçələri onsuz da "təbii" tıxacların əlindən "dad edir", burada isə avtomobil sürücüləri üçün "süni" tıxaclar yaradılır.
Amma, axı prezident göyə çıxarsa, tıxac problemini qismən həll etmək olar. İlham Əliyev işinə yaxın yerə köçərsə də, problem qismən həll edilər. Yeri gəlmişkən, Viktor Yanukoviç də analoji variantı nəzərdən keçirir. Kifayət qədər rahatdır, yollar bağlanmayacaq, müşaiyət korteji çox kiçik olacaq. Amma dərd bundadır ki... dəyəri itə bilər...
Qənaət nöqteyi-nəzərdən vertolyot bahalı nəqliyyat vasitəsidir, şəhərdə müvafiq meydançalar da yoxdur. Həm vertolyota, həm də meydançalara, onlara xidmət göstərilməsinə və s. tərkib hissələrinə pul xərclənməli olacaq. Amma, eyni yollar hər rüb təmir edilirsə, binaların fasadı dəyişdirilirsə, nəhəng binalar tikilirsə, hansı qənaətdən söz gedə bilər? Yeri gəlmişkən, ideya normaldı
Yeri gəlmişkən, ideya normaldır, Amerika filmlərində olduğu kimi, vertolyot meydanını prezident Administrasiyasına yaxın göydələnin üzərində salmaq olar. Maraqlıdır, onda vertolyotlardan ibarət prezident korteji də olacaq? |
r, Amerika filmlərində olduğu kimi, vertolyot meydanını prezident Administrasiyasına yaxın göydələnin üzərində salmaq olar. Maraqlıdır, onda vertolyotlardan ibarət prezident korteji də olacaq?
Paytaxt üzərindən uçuşların qadağan edilməsi haqqında müddəanı nəzərə alsaq, bunu parlamentin artıq yeni tərkibi ilə müvafiq normativ-hüquqi aktlara dəyişikliklər etməklə tezliklə dəyişmək olar. Məsələnin qanunverici hissəsini qaydaya saldıqdan sonra təkcə qalanları düzüb-qoşmaq qalacaq.
Ola bilər ki, Viktor Yanukoviçin göyə qalxmaq niyyəti deklarativ olaraq qalacaq, bununla belə, onu həyata keçirsə adı Ginnesin Rekordlar Kitabına düşə bilər. Odur ki, bəlkə birinciliyi Yanukoviçə `qapdırmaq` lazım deyil?
İqor Sikorski - vertolyot ixtiraçısı inanırdı ki, onun kəşfinin əsas təyinatı insanların xilas edilməsidir. İndi insanların əsəb sisteminin sarsıntısından və tıxaclarda qalmaqdan xilas etmək qalır.
Yadımdadır, prezident karyerasının əvvəllərində İlham Əliyev işə praktiki olaraq kortejsiz gedirdi və yollar ona görə bağlanmırdı. Sonradan, görünür, kiminsə "ağlabatan" məsləhəti ilə - guya, "xalq öz yerini bilməlidir", o, prinsipinə riayət etməkdən çəkindi. Xalqa gəlincə, onun yeri, deyəsən, diş qıcırtısı ilə müşaiyət olunan tıxaclardadır.
Lora Tvin
-
- Söz istəyirəm
- 28 Fevral 2010 16:57
-
- Söz istəyirəm
- 2 Mart 2010 18:01
Söz istəyirəm
-
Azərbaycan Respublikasının Prezidenti cənab İlham Əliyevə
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
Rəy yaz