FÖVQƏLADƏ QƏNAƏT

Oktyabrın 30-da İstanbul-Bakı reysilə uçan Boeing-757 təyyarəsində baş vermiş nasazlıq və təyyarənin yenidən İstanbul aeroportuna qayıtması ilə bağlı insident məmurlara dərs olmadı. "AZAL" Dövlət Şirkətinin Bakı-İstanbul-Bakı aviaparkından bizim məmurların işgüzar maraqları naminə istifadə olunur ki, bu da sərnişinlərin həyatını təhlükə altına qoyur.
Belə ki, bir gündən sonra, oktyabrın 31-də AZAL-ın İstanbuldan Bakıya uçan sərnişin təyyarəsinin gecə reysinə Gilan Insaat şirkətinə bir neçə ton yük (!) götürülüb.
Bunu görməyən sərnişinlərin bəxti gətirib ki, köhnə Boeing-757 Bakı aeroportuna sağ-salamat enib. Lakin hava limanında sərnişinlərin narahatlığı başlayıb. Onlar pasport nəzarətindən keçərkən baqajı almaq üçün yarım saatdan çox gözləməli olublar.
Aeroportun nəqliyyat xidməti əvvəlcə mühüm müştəriyə - Gilan İnsaat-a xidmət göstərmək qərarına gəlib. Məsələnin həllinə bir neçə yükdaşıyan cəlb olunub. Yalnız bundan sonra sərnişinlərin yükü boşaldılıb.
Gilan İnsaat-ın hərəkətinin motivləri məlumdur, hərçənd ki, bu, yolverilməzdir. Şirkət yük təyyarəsinin icarəsinə qənaət edərək AZAL-ın menecerlərinin "üzüyola" olmasından istifadə edib və sərnişinlərin həyatını riskə atıb. Bəs İstanbul hava limanı xidməti hara baxır? Niyə bizim hüquq-mühafizə orqanları AZAL-ın özbaşınalığına goz yumur? Düzdür, Boeing-757-nin kommersiya tutumu (25 tona yaxın) iki-üç ton əlavə yük götürməyə imkan verir, lakin söhbət köhnə laynerdən və insan taleyindən gedir. Görünür, belə sövdələşmələrin həyata keçirilməsi üçün vaxtilə Heydər Əliyev Bakı hava limanından Nəqliyyat Prokurorluğunu yığışdırıb.
Gilan Insaat fövqəladə hallar naziri Kəmaləddin Heydərovun ailəsinə məxsus Gilan Holding şirkətlər qrupuna məxsusdur.

Sərnişin