9 fevral 2020-ci ildəki kimi hərislik və biabırçı ifşalar hələ görülməmişdi. Keçiriləcək seçkilərə qarşı mənfi münasibət səsvermədən bir neçə gün əvvəl - Facebook və Youtube-da hökumətyönlü deputatların seçicilərlə görüşlərdən qovulması kadrları yayıldığı zaman yaranmışdı.
Bu, indiyədək əhalinin vətəndaş jurnalistikası formasında siyasi fəallıq nümayiş etdirmədiyi regionlarda baş verirdi. Sıravi vətəndaşların və yerli fəalların bu cür siyasi reportajlar yayması cəmiyyəti sözün əsl mənasında silkələdi.
Sadə vətəndaşların öz hüquqlarını müdafiə etməyə hazır olması və deputatlardan onları aldatmamağı, istefa verməyi tələb etmək cəsarəti cəmiyyəti yaxşı mənada təəccübləndirdi.
Etirazların pik nöqtəsi səsvermə gününə təsadüf etdi və fevralın 9-da sosial şəbəkələr seçki məntəqələrindən qalmaqallı kadrlarla dolub-daşdı, canlı efirdə çoxsaylı saxtakarlıqlar, müşahidəçilərə qarşı zorakılıq halları qeydə alındı.
Hakimiyyət, eləcə də seçki sistemi indiyədək belə bir biabırçılıq görməmişdi. Bu fonda MSK sədri Məzahir Pənahovun mızıldaması 9 fevral ideyasına və parlamentin "yeni" tərkibinə mənfi münasibəti yalnız gücləndirirdi.
Nə olursa olsun, yeni təzahürün - vətəndaşların yeni səviyyədə fəallığının formalaşması göz önündədir, bunu "Sosial şəbəkələr inqilabı" adlandırmaq olar. Bu təzahür getdikcə güclənəcək və onun ictimai rəyə təsiri artacaq.
Eyni zamanda, yeni fəallar komandası formalaşır, onlar seçkilərdə və referendumlarda daha fəal və mütəşəkkil şəkildə fəaliyyət göstərərək, hakimiyyətin ictimai rəyin saxtalaşdırılması üzrə ənənəvi və fərsiz siyasəti üçün real təhlükə təşkil edəcək.
Hakimiyyətin növbədənkənar seçki zərurətini izah edərkən pafoslu şəkildə bəyan etdiyi parlamentin "islahatını" və "gəncləşdirilməsini" ayrıca qeyd etmək lazımdır. Məlum oldu ki, heç nə dəyişməyib və qanunverici orqanın siyasi tərkibi olduğu kimi qalıb.
Bu fonda hakimiyyətin demokratiyanın qələbəsi, iradənin azad şəkildə bildirilməsi və qanunun aliliyi haqqında bəyanatları pis lətifə kimi səslənəcək və demokratik dünya ictimaiyyətinin Azərbaycana qarşı mənfi münasibətini gücləndirəcək.
Söz istəyirəm
-
25 dekabr 2024-cü il tarixində bütün dünyanı sarsıdan faciə baş verib. "Azərbaycan Hava Yolları"nın "Bakı-Qroznı" marşrutu ilə reys həyata keçirən təyyarəsi Qazaxıstanın Aktau şəhəri yaxınlığında qəzaya uğrayıb. Embraer E190 təyyarəsində 67 nəfər olub, ekipaj üzvlərinin peşəkarlığı sayəsində onlardan 2-si uşaq olmaqla, 29 nəfər sağ qalıb.
-
Bakı - Qroznı təyyarəsinin "qəzayə" uğraması ilə bağlı buğun matəm elan edilib. 38 nəfər həyatını itirib. Ağır vəziyyətdə olanlar var, itkilərin sayı arta bilər. Böyük faciədir. Həyatını itirənlərin yaxınlarına baş sağlığı verir, xəsarət alanlara, yaralılara şəfa diləyirik.
-
Əziz Zərifə, bu gün evliliyimizin 30 illiyidir. Sən evimizdə, mən-həbsxanadayam. Vaxtında sənin “Dur! daha yazma!” tələbinə qulaq assaydım, indi yubileyimizi, əhd etdiyim kimi, ilk dəfə qohum-qardaş arasında təmtəraqla qeyd edirdik. Amma mən azad jurnalist kredoma xəyanət etmədim, təhlükəyə baxmayaraq, iti qələmimi yerə qoymadım. Odur ki, bir ildir isti ocağımdan, səndən, candan şirin övladlarımızdan ayrı düşmüşəm.
-
Müasir müharibələr insanlığın dözümlülüyünü sınağa çəkir, prioritetləri və dəyərləri yenidən nəzərdən keçirməyə məcbur edir. Belə dövrlərdə yalnız güc nümayiş etdirmək deyil, həm də beynəlxalq hüququn və insanlığın prinsiplərinə bağlılığı göstərmək xüsusilə vacibdir. Rusiya Federasiyasının misilsiz silahlı təcavüzü ilə üzləşən Ukrayna, beynəlxalq humanitar hüququn (BHH) normalarına sadiqliyini qoruyaraq, bu təcavüzə müqavimət göstərir. Ukrayna Müdafiə Nazirliyi tərəfindən təqdim olunan Könüllü Hesabat şəffaflıq, məsuliyyət və ədalət axtarışının simvoluna çevrilib.
Rəy yaz