![Vətəndaş Cəmiyyətini Müdafiə Komitəsinin Xədicə İsmayılova barəsində məhkəmə hökmü ilə bağlı bəyanatı](https://turan.az/resized/750/500/resize/media/2015/main/090200128259.jpg)
Vətəndaş Cəmiyyətini Müdafiə Komitəsinin Xədicə İsmayılova barəsində məhkəmə hökmü ilə bağlı bəyanatı
Çərşənbə axşamı, sentyabrın 1-də Bakı Ağır Cinayətlər Məhkəməsi məşhur araşdırmaçı jurnalist Xədicə İsmayılovanı 7,5 il müddətinə azadlıqdan məhrum edib.
Məhkəmə onu 179 (mənimsəmə və israf), 192 (qanunsuz sahibkarlıq), 213 (vergi ödənişindən yayınma) və 308-ci (vəzifə səlahiyyətlərindən sui-istifadə) maddələrlə təqsirli bilib, baxmayaraq ki, bütün ittihamlar məhkəmə dinləmələri zamanı təsdiqini tapmayıb və jurnalist və onun vəkilləri tərəfindən rədd edilib.
Məhkəmənin bu qərarı gözlənilən idi, çünki işin əsli siyasi idi və hakimiyyətin ali eşelonlarında korrupsiya faktlarını araşdıran İsmayılovanın fəaliyyətini neytrallaşdırmaq məqsədi daşıyırdı.
İsmayılovanın həbsi üçün əsas olmuş 125-ci (özünü öldürmə həddinə çatdırma) maddə ilə jurnalistə bəraət verilməsi ədalətli mühakimə ilə heç bir əlaqəsi olmayan prosesin sifarişli olduğunu açıq-aşkar göstərir.
İsmayılovanın fəaliyyəti və son illər onun məruz qaldığı təqiblər, o cümlədən hökumətyönlü və hökumətə yaxın KİV-lərdə çirkin yalan və böhtan kampaniyası ilə müşaiyət olunan şəxsi həyatına müdaxilə də ona qarşı yüksək səviyyədə münasibətin nümunəsidir.
Keçən məhkəmə prosesi də, məhkəmənin hökmü də İsmayılovaya qarşı çirkin kampaniyanın apofeozudur və təkcə məhkəmə sistemi və dövlətin deyil, bütünlükdə cəmiyyətin nüfuzuna qara ləkə vurur.
Azərbaycan hakimiyyəti insanların yalnız azad düşünmək və öz fikrini ifadə etmək hüquqlarını qoruduqlarına görə onlara qarşı dəhşətli təqib təcrübəsinə son qoymalıdır.
Biz hakimiyyəti Xədicə İsmayılovaya qarşı siyasi motivli hökmü ləğv etməyə, onu azad etməyə və jurnalistə cəmiyyətin bu qədər ehtiyacı olduğu işini davam etdirməsinə imkan verməyə çağırırıq.
Biz həmçinin hakimiyyəti vətəndaş cəmiyyətinə qarşı təzyiqə son qoymağa və ölkənin ədalətli cəmiyyət və demokratik dövlət ideyalarına sadiq olan vətəndaşları ilə dialoqa başlamağa çağırırıq.-0-
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz