Gürcü publisist Rusiya-Azərbaycan münasibətləri barədə

Gürcüstanda bilirlər ki,  Azərbaycanın Ermənistanın Qarabağdakı işğalçı hərəkətlərinə himayədarlıq edən Rusiyaya qarşı iradları var. Gürcülər Azərbaycanla Rusiya arasındakı normal münasibətləri görəndə təəccüblənirlər. Gürcü publisist Tengiz Ablotiya Turan ilə söhbətində bu barədə danışıb: “Mən indi Azərbaycan siyasətinin içindəyəm - Azərbaycan saytına yazıram və sizin hakimiyyətin Rusiyanın istənilən fikrinə necə ehtiyatla yanaşdığını görürəm”.

-Niyə Azərbaycan Rusiyanı özünə qarşı qoymalıdır, hətta bilə-bilə ki, ermənilərə havadarlıq edir? Məlumdur ki, Ukraynanı faşizmdə ittiham edən prezident Putin Yerevanda erməni-alman faşisti Njdeyə heykəl qoyulması barədə susur. Rusiya erməni şıltaqlığına nə qədər dözümlüdür. Belə hesab olunur ki, Rusiya üçün 102-ci hərbi bazanın Ermənistanda olması amili hər şeydən vacibdir. Eyni zamanda Rusiya Azərbaycan ərazisini zəbt etməyib. Əgər biz Kremli qəzəbləndirsək Rusiya bizə Azərbaycanın şimalında separatizmi qızışdırmaqla cavab verə bilər.

Tengiz Ablotiya belə cavab verib:

- Rusiyanın Azərbaycan torpaqlarını zəbt etməməsinin əhəmiyyəti yoxdur. Rusiya vəziyyətin dəyişməməsinin qarantıdır, Azərbaycanın onunla dostluq etməsi, yumşaq desək, mənasızdır. Azərbaycanda Rusiyapərəst separatizmin mümkünlüyü barədə belə deyə bilərəm: “Qurddan qorxan  meşəyə girməz”. Azərbaycan zəngindir və güclüdür, heç bir separatizmə yol verməyə bilər. 1993-cü il deyil. Rusiya Azərbaycan torpaqlarını işğal etməyəcək. Putin qeyri-loyal əhalinin yaşadığı ərazilərə girmir. 2008-ci ildə Gürcüstanın işğalı gürcülər şimal ayısını oyatdıqları üçün baş vermədi, Qərbin Kosovonun müstəqilliyini tanıması səbəbindən baş verdi. Qalan hər şey bayatıdır. 2008-ci ildə Putin demişdi ki, Rusiya Kosovonun müstəqilliyinin birtərəfli qaydada elan edilməsinə cavab tədbirləri sərgiləyəcək. “Rusiya imitasiya etmək və ya güzgülü hərəkət etmək niyyətində deyil”, - Vladimir Putin Kremldə mətbuat konfransında deyib. “Ancaq bizim ev tapşırıqlarımız var və nə edəcəyimizi bilirik”, - Ablotiya Putinin sözlərini yada salıb və deyib: “Abxaziya və Cənubi Osetiya zatən Rusiyada idi. Bu, Kosovaya güzgülü cavab idi - orada serblər albanları sıxışdırdılar və Qərb Kosovanı tanıdı, burada da gürcülər osetinləri sıxışdırdılar və biz də onları tanıdıq. Məhz güzgülü cavab. Rusiya Azərbaycanın düşmənidir. Dövlətlər pomidorlara meyllənməməlidir (T.Ablotiya Azərbaycan pomidorunun Rusiyaya böyük ixracını nəzərdə tutur - red.) Prinsiplərin olmaması hələ heç bir dövləti xilas etməyib.

- Rusiya hələlik bizim ermənilərə atəş açmağımıza mane olmur. Amma mane ola bilər və o zaman Kremlin antiazərbaycan hərəkətlərinin qarşısını almaq üçün yolumuz olmayacaq. Yeri gəlmişkən, məsələn, Gürcüstan-Rusiya müharibəsi Bakı üçün bir dərs oldu. 2008-ci ildə Gürcüstan tək qaldı, ABŞ və Avropa prezident Saakaşvilinin Rusiya ordusundan qorunmasına kömək etmədi.

Rusiya ilə Türkiyə arasındakı mövcud gərginliyin bu cür inkişaf variantı mümkündürmü: Putin yenidən Ərdoğanla mübahisə edir, Rusiya prezidenti Türkiyəyə hərbi güclə hücum etməyə qorxur və Qarabağı Azərbaycandan qoparır. Belə bir güzgülü cavab...?

- Bu da Azərbaycanın davranışından asılı deyil. Əgər Kremldə belə bir variantı lazım bilsələr, tətbiq edəcəklər. Pomidorla birlikdə torpaqlarınızı da alar.

-  Nüvə bombası olan düşmən nəyimizə lazımdır? Ruslar vuruşmağı sevirlər, mühüm deyil  kiminlə olursa- olsun. Gürcüstan isə Rusiya ilə barışmağa məhkumdur. Cənubi Osetiya və Abxaziya RF-da qalacaq.  Coğrafi baxımdan məhkumdur və bu məcburi dostluq Azərbaycana da aiddir. Bütün düşmənlər barışır, məsələ ancaq zaman məsələsidir. Türklər və yunanlar  xalqlar səviyyəsində barışdılar. Birgə yunan-türk ailələri qurulur, qrup şəklində qarşılıqlı turist səfərləri həyata keçirilir. Rusiya 1945-ci ildən sonra az qala yarım əsr sonra Almaniya ilə barışdı. 2008-ci ildən 26 il keçir. 2008-ci ildən sonra ruslar və gürcülər bir-birlərinə atəş açmırlar. Türklər və ermənilər Gürcüstan ərazisilə  aktiv ticarət edirlər. Türkiyə və Ermənistanın qardaşlığına yalnız Azərbaycan mane olur. Sülh sazişi imzalandıqdan sonra ermənilərlə azərbaycanlılar da barışacaqlar. Hələliksə biz vuruşuruq.

- Tamam, ümumilikdə mövqelərimiz fərqlidir. Hesab edirəm ki, Rusiyadan asılılıq nə qədər az olarsa, rus turistlərin payı nə qədər az olarsa, Rusiyanın ixracda payı nə qədər az olarsa, bir o qədər yaxşı olar. Bakının mövqeyi başqadır. Bu, sizin  ölkənizin işidir, mən yalnız ona hörmətlə yanaşa bilərəm.

- Bizim ölkələri sülhə coğrafiya məcbur edir. Rəğbət və ya qeyri-rəğbət məsələsi deyil. Rusiyanın Azərbaycana qarşı yüz təsir vasitəsi var, bizim isə Rusiyaya qarşı biri də yoxdur. Edəcək bir şey yox. Maraqlı söhbət üçün sağ olun.