İrakli Alasaniya: Qərb Rusiya ilə hesablaşmamalıdır
Gürcüstan, Türkiyə və Azərbaycanın regionun təhlükəsizliyinin təmin edilməsi məsələlərində “ortaq maraqları” var. Bu barədə Turan agentliyinə müsahibəsində Vaşinqtonda səfərdə olan Gürcüstanın müdafiə naziri İrakli Alasaniya bildirib.
Bu gün Gürcüstanın paytaxtında Türkiyə, Gürcüstan və Azərbaycanın iştirakı ilə keçirilən üçtərəfli sammitlə bağlı şərh verən nazir deyib ki, üç ölkənin iştirakı ilə həyata keçirilən energetika və nəqliyyat layihələri (TANAP, BTC və Baı-Tbilisi-Qars dəmiryolu) üç ölkənin ən ali prioritetləridir.
Eyni zamanda, Alasaniya üç dövlətin regional, infrastruktur və energetika layihələrinin müdafiəsinə xüsusi diqqət yetirərək, təhlükəsizlik sahəsində əməkdaşlığı yeni mərhələyə çıxarmağa çalışdığını vurğulayıb.
Tbilisidə keçirilən sammitdə müzakirə olunan digər mövzular ticarət-iqtisadiyyat, nəqliyyat və energetika sahələrinə və gələcəkdə əməkdaşlıq məsələlərinə aiddir.
“TransAnadolu layihəsi, şübhəsiz, Gürcüstanda yüzlərlə iş yeri yaradacaq və milyonlarla dollar gətirəcək”, deyə Alasaniya bildirib.
Bir müddət əvvəl Vaşinqtonun Brukinqs İnstitutunda çıxış edən Alasaniya Ermənistanın iştirakı ilə regional həmrəyliyin vacibliyini qeyd edib.
“Bizim ermənilərlə çox yaxşı münasibətlərimiz var... Amma onlar öz yollarını müstəqiş şəkildə seçməlidirlər. Onlarsız Cənubi Qafqaz dəhlizi tam olmayacaq”, deyə o bildirib.
Rusiyaya toxunan Alasaniya qeyd edib ki, gürcülərin Kremlin ölkənin ərazi bütövlüyünə və NATO-ya can atmasına hörmət məsələsində xülyası yoxdur.
“Bu, siyasətimizin ən mühüm məqamıdır: ərazi bütövlüyü və NATO və Aİ-yə üzvlük məsələsində heç bir güzəştə yer yoxdur.
Gürcüstan Rusiya ilə gələcək münasibətlərə “investisiya etməyə” üstünlük verir. 10-12 il sonra Rusiya başqa cür olacaq və liderləri fərqli düşünəcəklər”, deyə o bildirib.
Tbilisi Aİ ilə assosiasiya sazişi imzalamağa ümid edir. Növbəti addım NATO sammitidir, deyən nazir qeyd edib ki, Qərb daha fəal ola və Rusiyanın əməllərinə daha az reaksiya verə bilər.
Ukraynadakı vəziyyətə toxunan Alasaniya qeyd edib ki, Moskva Ukraynanın NATO-ya üzvlüyünün qarşısını almağa çalışır, buna görə Qərb “öz siyasətini dəyişdirməlidir”, deyə o qeyd edib. -25В-
-
- Cəmiyyət
- 6 May 2014 17:20
-
- Foto sessiyalar
- 6 May 2014 18:23
Sual-cavab
-
"Turan" İnformasiya Agentliyinin direktoru Mehman Əliyev Groznı üzərində Azərbaycan Hava Yollarına məxsus təyyarənin Rusiya raketi ilə vurulmasını qəsdən törədilmiş qətl adlandırıb. O, bu fikirləri Rasim Balayevin aparıcılığı ilə yayımlanan "Müasir Söhbət" proqramına müsahibəsində səsləndirib.
-
Dövlət Departamentinin nümayəndəsi, Avropa və Avrasiya məsələləri üzrə Büronun Avropa təhlükəsizliyi və siyasi məsələlər İdarəsinin direktoru Liam Uesli Turan-ın Vaşinqtondakı müxbiri Aleks Raufoğlu ilə müsahibəsində NATO-nun Ukraynanın müdafiəsi ilə bağlı planları haqqında danışıb.
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
Rəy yaz