![Xəzərin Buzovna sahilində hasarların söküntüsü başlayıb](https://turan.az/resized/media/2022/main/062200047331-750-500-resize.webp)
Xəzərin Buzovna sahilində hasarların söküntüsü başlayıb
Bakı/22.06.22/Turan: Bu gün Bakı hakimiyyəti Bakıdan 36 km məsafədə yerləşən Buzovna qəsəbəsindəki çimərlikdə vətəndaşların dənizə çıxışını məhdudlaşdıran qanunsuz hasarları sökməyə başlayıb.
Dəniz sahili sahilkənarı villa və restoran sahiblərinin ortaq istifadəsi üçün işğal edilmiş və hasarlanmışdı.
Hasarların söküntüsü və sahilin təmizlənməsi yerli sakinlərin Xəzərin Buzovna hissəsinin qanunsuz hasarlardan azad edilməsi üzrə kampaniyaya başlamasından sonra başlayıb.
Bu ilin mayında Buzovnadan olan fəallar Xəzər rayon icra hakimiyyətinin dəstəyi ilə əhalinin dənizə çıxışını bağlayan bir neçə qanunsuz hasarın sökülməsinə nail olub.
Fəal Seyfulla Azər Turan-a bildirib ki, ərazisi qumlu sahilə və qayalıq massivə çıxan heç bir torpaq sahibi şəhərsalma və arxitektura haqqında qanuna riayət etmir. Bu qanuna əsasən, dənizin 20-50 metrlik zolağı özəlləşdirilə və ictimai istifadə üçün bağlana bilməz.
İyunun 12-də ictimai fəallar dövlət başçısının diqqətini yerli torpaq sahiblərinin işğalı, Xəzər sahilindəki tarixi qayaların təmizlənməsi və ictimai istifadə üçün saxlanması probleminə cəlb etmək üçün YouTube-da Azərbaycan prezidenti İlham Əliyevə müraciət videosu yerləşdiriblər.
Hələlik hakimiyyətin bu məsələdə nə qədər uzağa gedə biləcəyi aydın deyil - qayaların 1 km-ə yaxın hissəsində hasarlar və fərdi sahibkarların tikililəri var. Həmçinin, bu kampaniyanın böyük hissəsi işğal edilmiş və ictimai istifadə üçün hasarlanmış Abşeron yarımadasının bütün sahillərini əhatə edib-etməyəcəyi də aydın deyil. 0
-
- Cəmiyyət
- 22 İyun 2022 16:41
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz