Anar Əsədli
Bakı/21.04.23/Turan: "Yüksəliş" Partiyasının sədri Anar Əsədliyə qarşı dələduzluq ittihamı irəli sürülüb. Nərimanov Rayon Məhkəməsinin qərarı ilə onun barəsində 3 ay müddətinə həbs qətimkan tədbiri seçilib.
Partiyadan bildiriblər ki, aprelin 20-də Əsədli "xırda bir məsələni dəqiqləşdirmək üçün" Daxili İşlər Nazirliyinin Mütəşəkkil Cinayətkarlıqla Mübarizə İdarəsinə çağırılıb, 6 saat idarədə saxlanıldıqdan sonra sərbəst buraxılıb. Amma aprelin 21-də Əsədli yenidən qeyd edilən idarəyə çağırılıb, ona qarşı CM-in 178-ci (dələduzluq) maddəsi ilə ittiham irəli sürülüb və o, məhkəməyə aparılıb.
Turan Agentliyi hələlik Əsədlinin vəkilindən və ya ailə üzvlərindən şərh ala bilməyib.
Bir müddət əvvəl Əsədlinin ölkədən çıxışına qadağa qoyulmuşdu. Ötən il noyabrın 18-də o, Ankaraya gedə bilməmişdi.
Həmin vaxt DİN-in mətbuat xidmətindən Turan-a bildirmişdilər ki, onun barəsində iki vətəndaşın şikayəti əsasında araşdırma aparılır. "Onlar polisə bildiriblər ki, o (Anar Əsədli), dələduzluq yolu ilə vətəndaşların birindən 150 min dollar, digərindən 10 min dollar məbləğində pul alaraq mənimsəyib", deyə DİN-dən qeyd ediblər.
Amma Əsədli bu iddiaların əsassız olduğunu bildirib və hüquqlarının məhdudlaşdırılmasını "siyasi sifarişlə" əlaqələndirib.
"Yüksəliş" Partiyası 2020-ci ilin parlament seçkilərindən sonra qurulub. Həmin seçkilərdə Əsəsdli deputatlığa namizədliyini irəli sürmüşdü və səsvermə başa çatdıqdan sonra onların saxtalaşdırıldığını bildirib. 2021-ci ildə partiya qeydiyyatdan keçirilib.
İdeoloji cəhətdən "Yüksəliş" Partiyası milliyyyətçi partiyadır, türk dünyasının birliyinin tərəfdarıdır. Amma siyasi həyatda partiya onlarla belə təşkilatdan heç nə ilə fərqlənmirdi.
Buna görə Əsədliyə qarşı irəli sürülmüş ittihamların nə dərəcədə əsaslı olduğunu demək hələlik çətindir. 21B06
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz