Sinoptiklər həftə sonu havanın pisləşəcəyi və qar yağacağı haqqında xəbərdarlıq edib
Bakı/11.01.24/Turan: Yanvarın 13-də səhər saatlarından başlayaraq, 14-ü axşama qədər Bakıda və Abşeronda hava şəraitinin kəskin pisləşəcəyi, yağıntı olacağı gözlənilir.
Ekologiya Nazirliyinin sinoptiklərinin yaydığı məlumata görə, qeyd edilən dövrdə qar yağacaq, şimal-qərb küləyi arabir 23-25 metr/saniyəyədək güclənəcək.
Bu günlərdə havanın temperaturu 5-8 dərəcə düşəcək. Gecə 0-3 dərəcə şaxta, gündüz 0-3 dərəcə isti olacaq.
Ölkə ərazisində yağıntı yanvarın 12-də Qərb bölgəsindən başlayacaq və 15-nə qədər davam edəcək. Qərb küləyinin gücü arabir saniyədə 23-25 metrə çatacaq.
12-15 yanvar tarixlərində havanın temperaturu aran rayonlarında gecə 3-8 dərəcə şaxta, gündüz 0-4 dərəcə isti, dağlarda gecə 10-15, gündüz 2-7 dərəcə şaxta təşkil edəcək.
14-15 yanvar tarixlərində dağlıq yolları buz bağlayacağı gözlənilir. 0
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz