Mərkəzi Bankın binasına ayrılan 637 milyon manat Azərbaycana nə xeyir verəcək? – Natiq Cəfərli Çətin sualda

Azərbaycan Mərkəzi Bankının (AMB) yeni binasının tikintisinə 637 milyon manat ayrılması ciddi mübahisələrə səbəb olub. Bakının Nizami rayonunda yerləşən AMB-nin yeni inzibati binasının tikintisi layihəsi böyük maliyyə layihəsidir. Baş podratçı ilə əlaqədə tikinti smetasına daxil olmayan digər kapital qoyuluşlarına 242,1 milyon manat və əlavə 39,8 milyon manat ayrılması nəzərdə tutulur.

Baş podratçı ilə müqavilə çərçivəsində tikinti işlərinə 355,1 milyon manat ayrılacaq. Bundan başqa, Xəzinədarlıq Mərkəzinin müvafiq avadanlıqla təchiz edilməsinə və inzibati binanın Mebel və digər zəruri avadanlıqla təchiz olunmasına 132,9 milyon manat xərclənəcək. Xərclənən və xərclənməsi planlaşdırılan vəsaitin ümumi məbləği 636,99 milyon manat təşkil edir.

İqtisadçı Natiq Cəfərli Kamran Mahmudovun təqdimatında yayımlanan “Çətin sual” verilişində  bu barədə danışır.