Rüsumlar əhalinin cibinə uyğun artırılırmı? – Natiq Cəfərli

Bakı/02.11.21/Turan:  Azərbaycanda bəzi sahələrdə indiyə qədər tətbiq olunan rüsumların miqdarında dəyişikliklərin edilməsi nəzərdə tutulur. Artıq təkliflər Milli Məclisin İqtisadi Siyasət, Sənaye və Sahibkarlıq Komitəsinin iclasında müzakirə olunub.

Rüsum dəyişiklikləri avto-moto nəqliyyat vasitələrini, minik avtomobilinin mühərrikinin həcmini, avtomobillərin dövlət qeydiyyat nişanlarında əks olunmuş rəqəmlərləri, sürücülük vəsiqəsinin verilməsini, mobil cihazların qeydiyyatını, bank, birja və sığortaçıların qeydiyyatını, nikah məsələlərini, soyadın, adın və ata adının dəyişdirilməsinin qeydə alınması, əmlakın başqa şəxsin mülkiyyətinə keçməsini, baytarlıq şəhadətnaməsinin və sertifikatının verilməsini, dərman qeydiyyatını, Azərbaycan vətəndaşlığına qəbul edilmək, bərpa edilmək və ya vətəndaşlıqdan çıxarılmağı əhatə edir.

Dəyişikliklərin qeydə alınan inflyasiya və digər iqtisadi proseslərlə əlaqəli olması ilə əsaslandırırlar.

Rüsumlar əhalinin cibinə uyğun artırılırmı?

İqtisadçı Natiq Cəfərli Kamran Mahmudovun təqdimatında yayımlanan “Çətin sual” verilişində bu və digər suallara cavab verəcək.